Савол: Ассалому алайкум!
— Маҳсига масҳ тортиш фарзми, суннатми, вожибми? Маҳси кийган одам таҳорат қилганда масҳ тортмасдан намоз ўқиса, намози дуруст бўладими?
Жавоб: Ва алайкум ассалом!
—
Тўлиқ таҳорат билан маҳси кийган кишининг таҳорати синса ва у маҳсини ечмасдан янгидан таҳорат қилмоқчи бўлса, масҳ тортиши фарз бўлади. Агар масҳ тортмасдан намоз ўқиса, намози дуруст бўлмайди. Чунки маҳсига масҳ тортиш оёқни ювиш ўрнидадир. Шундай экан таҳоратда оёқ ювиш фарз эди, маҳсига масҳ тортиш ҳам фарз бўлади. Бу ҳақда «Лубоб» китобида бундай дейилади:
(وفرض ذلك) المسح (مقدار ثلاث أصابع من أصغر أصابع اليد) طولاً وعرضاً
«Маҳсига масҳ тортишнинг фарзи қўлнинг кичик бармоқларидан учтаси миқдоридадир. Бу миқдор қўл бармоғининг бўйи ва энича бўлади (яъни намланган қўллар билан шу миқдорда чизиқ тортади)». Валлоҳу аълам.
Ўзбекистон мусулмонлари идораси
Фатво маркази
***
Savol: Assalomu alaykum!
— Mahsiga mas’h tortish farzmi, sunnatmi, vojibmi? Mahsi kiygan odam tahorat qilganda mas’h tortmasdan namoz o‘qisa, namozi durust bo‘ladimi?
Javob: Va alaykum assalom!
— To‘liq tahorat bilan mahsi kiygan kishining tahorati sinsa va u mahsini yechmasdan yangidan tahorat qilmoqchi bo‘lsa, mas’h tortishi farz bo‘ladi. Agar mas’h tortmasdan namoz o‘qisa, namozi durust bo‘lmaydi. Chunki mahsiga mas’h tortish oyoqni yuvish o‘rnidadir. Shunday ekan tahoratda oyoq yuvish farz edi, mahsiga mas’h tortish ham farz bo‘ladi. Bu haqda «Lubob» kitobida bunday deyiladi:
(وفرض ذلك) المسح (مقدار ثلاث أصابع من أصغر أصابع اليد) طولاً وعرضاً
«Mahsiga mas’h tortishning farzi qo‘lning kichik barmoqlaridan uchtasi miqdoridadir. Bu miqdor qo‘l barmog‘ining bo‘yi va enicha bo‘ladi (ya’ni namlangan qo‘llar bilan shu miqdorda chiziq tortadi)». Vallohu a’lam.
O‘zbekiston musulmonlari idorasi
Fatvo markazi
