Фарғона вилоятида диний-маърифий соҳада фаолият юритаётган отинойилар иштирокида навбатдаги семинар-тренинг машғулотлари бошланди. Ушбу ўқувлар отинойиларнинг диний билим ва кўникмаларини янада мустаҳкамлаш, жамиятда олиб бораётган маънавий-маърифий фаолияти самарадорлигини ошириш ҳамда бугунги куннинг долзарб масалалари бўйича билимларини бойитиш мақсадида ташкил этилди.
Машғулотларда иштирокчиларга аҳли сунна вал жамоа ақидасининг асосий тамойиллари, эътиқод масалалари ҳамда мусулмон инсон ҳаётида соғлом ақиданинг ўрни ҳақида батафсил маълумотлар берилмоқда.
Шунингдек, турли адашган оқимлар ва бузғунчи ғояларга қарши маърифий асосда муносабат билдириш, аҳолига тўғри диний тушунчаларни етказиш борасида ҳам тавсиялар берилмоқда.
Семинарнинг яна бир долзарб мавзуси глобаллашув шароитида аёлларни турли ёт ғоялар ва ахборот хуружларидан муҳофаза қилиш масаласига бағишланди.
Семинар-тренинг машғулотлари соҳанинг етук мутахассислари, профессор-ўқитувчилар ва тажрибали устозлар томонидан олиб борилмоқда. Дарслар назарий билимлар билан бир қаторда ҳаётий мисоллар, амалий тавсиялар ва савол-жавоблар асосида ташкил этилмоқда.
***
Farg‘ona viloyatida diniy-maʼrifiy sohada faoliyat yuritayotgan otinoyilar ishtirokida navbatdagi seminar-trening mashg‘ulotlari boshlandi. Ushbu o‘quvlar otinoyilarning diniy bilim va ko‘nikmalarini yanada mustahkamlash, jamiyatda olib borayotgan maʼnaviy-maʼrifiy faoliyati samaradorligini oshirish hamda bugungi kunning dolzarb masalalari bo‘yicha bilimlarini boyitish maqsadida tashkil etildi.
Mashg‘ulotlarda ishtirokchilarga ahli sunna val jamoa aqidasining asosiy tamoyillari, eʼtiqod masalalari hamda musulmon inson hayotida sog‘lom aqidaning o‘rni haqida batafsil maʼlumotlar berilmoqda.
Shuningdek, turli adashgan oqimlar va buzg‘unchi g‘oyalarga qarshi maʼrifiy asosda munosabat bildirish, aholiga to‘g‘ri diniy tushunchalarni yetkazish borasida ham tavsiyalar berilmoqda.
Seminarning yana bir dolzarb mavzusi globallashuv sharoitida ayollarni turli yot g‘oyalar va axborot xurujlaridan muhofaza qilish masalasiga bag‘ishlandi.
Seminar-trening mashg‘ulotlari sohaning yetuk mutaxassislari, professor-o‘qituvchilar va tajribali ustozlar tomonidan olib borilmoqda. Darslar nazariy bilimlar bilan bir qatorda hayotiy misollar, amaliy tavsiyalar va savol-javoblar asosida tashkil etilmoqda.
