Ўзбекистон мусулмонлари идораси раҳбариятининг бевосита халқ ичига кириб бориб ўтказаётган самимий мулоқотлари кўплаб муаммолар ечимига асос бўлмоқда. Хусусан, Хоразм сафари давомида муфтий Шайх Нуриддин Холиқназар ҳазратлари фуқароларни сайёр қабул қилиб, уларнинг ижтимоий-маиший муаммолари ва мурожаатларини жойида ҳал этиш чораларини кўрдилар.
Жумладан, Урганч тумани “Тандирчи” маҳалласида истиқомат қилувчи Дурдипошша Юсупованинг хонадони томини ёпиш бўйича мурожаати ижобий ҳал этилиб, оилага тез фурсатда амалий кўмак кўрсатиш юзасидан мутасаддиларга тегишли кўрсатмалар берилди.
Сафар чоғида раис ўринбосарлари, Қорақалпоғистон мусулмонлари қозиёти қозиси, Тошкент шаҳри ва вилоятлар бош имом-хатибларининг Хоразм вилоятидаги ҳудудлардаги аҳоли билан яқиндан мулоқотлари амалга оширилди. Шунингдек, улар ўзларига бириктирилган ҳудудлардаги масжидларга йўл олиб, имом-хатибларнинг маънавий-маърифий соҳадаги ишлари ва масжидларни бошқаришдаги фаолияти билан яқиндан танишди.
Мазкур жараёнда имомларнинг халқ билан мулоқотлари, маърифий суҳбатлари, масжидларнинг куз-қиш мавсумига тайёргарлиги, тозалик ва озодалик, ёнғин хавфсизлиги чоралари ҳамда ҳужжатлар юритиш каби муҳим масалалар эътибор марказида бўлди. Ўрганишлар натижасида масжидлар жамоаларининг ишига ижобий баҳо берилиб, молиявий шаффофликни таъминлаш ва муқобил энергия манбаларидан унумли фойдаланиш бўйича муҳим ва амалий тавсиялар берилди.
Хизмат сафарининг эътиборли жиҳатларидан бири бош имом-хатиблар вилоятнинг 13 та туман ва шаҳридаги 70 дан зиёд ижтимоий ҳимояга муҳтож, оғир беморлари бор ва эътиборга ташна оилалар хонадонида бўлди. Кўнгил сўраш баробарида уларга “Вақф” хайрия жамоат фондининг совғалари улашилди.
Шунингдек, Урганч шаҳридаги “Ғамхўрлик” интернат уйида бўлиб, жисмоний имконияти чекланган болажонлар ҳолидан хабар олинди. Уларга ширин сўзлар ва меҳрли далдалар билдирилиб, муассасага 2 та совутгич ҳамда турли ҳадялар тақдим этилди.
Кўрсатилган эътибор ва амалий кўмакдан кўнгли тоғдек кўтарилган ҳамюртларимиз бу хайрли ишлардан мамнун бўлиб, юртимиз тинчлиги ҳамда мутасаддилар ҳаққига хайрли дуолар қилдилар.
***
Özbekiston musulmonlari idorasi rahbariyatining bevosita xalq içiga kirib borib ötkazayotgan samimiy muloqotlari köplab muammolar yeçimiga asos bölmoqda. Xususan, Xorazm safari davomida muftiy Şayx Nuriddin Xoliqnazar hazratlari fuqarolarni sayyor qabul qilib, ularning ijtimoiy-maişiy muammolari va murojaatlarini joyida hal etiş çoralarini kördilar.
Jumladan, Urganç tumani “Tandirçi” mahallasida istiqomat qiluvçi Durdipoşşa Yusupovaning xonadoni tomini yopiş böyiça murojaati ijobiy hal etilib, oilaga tez fursatda amaliy kömak körsatiş yuzasidan mutasaddilarga tegişli körsatmalar berildi.
Safar çoğida rais örinbosarlari, Qoraqalpoğiston musulmonlari qoziyoti qozisi, Toşkent şahri va viloyatlar boş imom-xatiblarining Xorazm viloyatidagi hududlardagi aholi bilan yaqindan muloqotlari amalga oşirildi. Şuningdek, ular özlariga biriktirilgan hududlardagi masjidlarga yöl olib, imom-xatiblarning ma’naviy-ma’rifiy sohadagi işlari va masjidlarni boşqarişdagi faoliyati bilan yaqindan tanişdi.
Mazkur jarayonda imomlarning xalq bilan muloqotlari, ma’rifiy suhbatlari, masjidlarning kuz-qiş mavsumiga tayyorgarligi, tozalik va ozodalik, yonğin xavfsizligi çoralari hamda hujjatlar yuritiş kabi muhim masalalar e’tibor markazida böldi. Örganişlar natijasida masjidlar jamoalarining işiga ijobiy baho berilib, moliyaviy şaffoflikni ta’minlaş va muqobil energiya manbalaridan unumli foydalaniş böyiça muhim va amaliy tavsiyalar berildi.
Xizmat safarining e’tiborli jihatlaridan biri boş imom-xatiblar viloyatning 13 ta tuman va şahridagi 70 dan ziyod ijtimoiy himoyaga muhtoj, oğir bemorlari bor va e’tiborga taşna oilalar xonadonida böldi. Köngil söraş barobarida ularga “Vaqf” xayriya jamoat fondining sovğalari ulaşildi.
Şuningdek, Urganç şahridagi “Ğamxörlik” internat uyida bölib, jismoniy imkoniyati çeklangan bolajonlar holidan xabar olindi. Ularga şirin sözlar va mehrli daldalar bildirilib, muassasaga 2 ta sovutgiç hamda turli hadyalar taqdim etildi.
Körsatilgan e’tibor va amaliy kömakdan köngli toğdek kötarilgan hamyurtlarimiz bu xayrli işlardan mamnun bölib, yurtimiz tinçligi hamda mutasaddilar haqqiga xayrli duolar qildilar.
