Шу йил, 2 октябрь куни Фарғона вилояти бош имом-хатиби Убайдуллоҳ домла Абдуллаев Фарғона, Қўштепа туманлари ҳамда Марғилон шаҳрига ташриф буюрди.
Дастлаб, жума намози жамоат ила Фарғона туманидаги «Хўжа Аҳмад вали» масжидида адо этилди. Шунингдек, унда ташкилий масала ҳам кўрилди. Ўзбекистон мусулмонлари идорасининг тегишли буйруғига асосан тумандаги «Эрматбой» жоме масжиди имом ноиби вазифасида ишлаб келган Сотқиналиев Раҳимжон Муҳаммаджонович Фарғона туманидаги «Хўжа Аҳмад вали» масжиди имом хатиби ҳамда Фарғона тумани бош имом хатиби вазифасига тайинланди. Вилоят бош имом-хатиби Убайдуллоҳ домла Абдуллаев янги тайинланган имом хатибни жамоатга таништирди.
Шунингдек, Убайдуллоҳ домла Қўштепа тумани «Салмон Форсий» масжидига ҳам ташриф қилиб, Тошкент Ислом институти битирувчиси Қодиров Абдулбосит Шавкатжон ўғли «Салмон Форсий» масжиди имом хатиби этиб тайинлангани ҳақидаги буйруқни жамоатга ўқиб эшиттирди. Шу кунгача мазкур масжид имом хатиби вазифасида ишлаб келган Сохибов Шавкатжон Қодирович тумандаги «Исмоил Бухорий» масжиди имом ноиби вазифасига ўтказилди.
Бундан ташқари, Ҳакимов Абдулаҳад Раҳимжон ўғли Марғилон шаҳридаги «Нўмон» жоме масжиди имом ноиби вазифасига тайинланди.
Ўзбекистон мусулмонлари идораси Фарғона вилояти вакиллиги ҳамда Alhidoya.uz сайти жамоаси вазифага тайинланган имом хатиб ва имом ноибларининг келгуси фаолиятига муваффақият тилайди.
Ташриф давомида масжидлардаги мавжуд шароитлар, жамоат билан ишлаш ҳолати ҳамда имом-хатиб ва имом-ноибларнинг фаолияти билан боғлиқ масалалар кўриб чиқилди. Шунингдек, намозхонлар билан мулоқот қилиниб, жамоатни бирдамлик, ўзаро ҳурмат ва эзгуликка чорловчи мавъизалар қилинди.
***
Shu yil, 2 oktyabr kuni Farg‘ona viloyati bosh imom-xatibi Ubaydulloh domla Abdullayev Farg‘ona, Qo‘shtepa tumanlari hamda Marg‘ilon shahriga tashrif buyurdi.
Dastlab, juma namozi jamoat ila Farg‘ona tumanidagi «Xo‘ja Ahmad vali» masjidida ado etildi. Shuningdek, unda tashkiliy masala ham ko‘rildi. O‘zbekiston musulmonlari idorasining tegishli buyrug‘iga asosan tumandagi «Ermatboy» jome masjidi imom noibi vazifasida ishlab kelgan Sotqinaliyev Rahimjon Muhammadjonovich Farg‘ona tumanidagi «Xo‘ja Ahmad vali» masjidi imom xatibi hamda Farg‘ona tumani bosh imom xatibi vazifasiga tayinlandi. Viloyat bosh imom-xatibi Ubaydulloh domla Abdullayev yangi tayinlangan imom xatibni jamoatga tanishtirdi.
Shuningdek, Ubaydulloh domla Qo‘shtepa tumani «Salmon Forsiy» masjidiga ham tashrif qilib, Toshkent Islom instituti bitiruvchisi Qodirov Abdulbosit Shavkatjon o‘g‘li «Salmon Forsiy» masjidi imom xatibi etib tayinlangani haqidagi buyruqni jamoatga o‘qib eshittirdi. Shu kungacha mazkur masjid imom xatibi vazifasida ishlab kelgan Soxibov Shavkatjon Qodirovich tumandagi «Ismoil Buxoriy» masjidi imom noibi vazifasiga o‘tkazildi.
Bundan tashqari, Hakimov Abdulahad Rahimjon o‘g‘li Marg‘ilon shahridagi «No‘mon» jome masjidi imom noibi vazifasiga tayinlandi.
O‘zbekiston musulmonlari idorasi Farg‘ona viloyati vakilligi hamda Alhidoya.uz sayti jamoasi vazifaga tayinlangan imom xatib va imom noiblarining kelgusi faoliyatiga muvaffaqiyat tilaydi.
Tashrif davomida masjidlardagi mavjud sharoitlar, jamoat bilan ishlash holati hamda imom-xatib va imom-noiblarning faoliyati bilan bog‘liq masalalar ko‘rib chiqildi. Shuningdek, namozxonlar bilan muloqot qilinib, jamoatni birdamlik, o‘zaro hurmat va ezgulikka chorlovchi mavʼizalar qilindi.
