Савол: Ассалому алайкум!
— Киши рўза ҳолида таомни жуда кўп хоҳлаб ўйласа кароҳияти борми?
Жавоб: Ва алайкум ассалом!
— Агар рўзадор одамнинг хаёлига беихтиёр тарзда турли таомлар ҳақида ўйлар келса бунинг зарари йўқ. Аммо рўзадор одам атайлаб, қасдан турли таомларни кўнглидан ўтказиши ва рўзадор бўлмаганимда эди деган фикрда бўлиши кароҳиятдан холи эмас. Қолаверса, бу рўзадан малолланиш ҳисобланади. Имом Абу Ҳанифа раҳимаҳуллоҳ рўзадор одам ҳўлланган матога ўранишини макруҳ санаганлар. Сабаби, бу худди рўзадан малолланишга ўхшаш эканини айтганлар. Валлоҳу аълам.
ЎМИ Фатво ҳайъати
