Пайғамбаримиз алайҳиссалом ҳадиси шарифларидан бирида «Ким рўзадорни ифтор қилдирса, унга унинг ажрича ажр бўлур. Шу билан бирга, рўзадорнинг ажридан ҳеч бир нарса кам бўлмас» (Имом Термизий ва Имом Аҳмад ривояти) дея марҳамат қилганлар.
Рамазон шукуҳи қалбларга мусоффолик ва сокинлик олиб кирмоқда. Бу ойда кексалар, боқувчисини йўқотганлар, беморлар ҳамда имконияти чекланганлар ҳолидан хабар олиниб, уларга меҳр улашилмоқда.
Муборак Рамазон ойи муносабати билан Марғилон шаҳрида ташкил этилган ифторлик маросимига «Бахрин», «Маориф», «Байналминал» ва «Хўжа Порсо» маҳалласидаги истиқомат қилувчи “Темир дафтар”, “Аёллар дафтари” ва “Ёшлар дафтари”га киритилган эҳтиёжманд, ижтимоий ҳимояга муҳтож, ногиронлиги бор 500 нафар ортиқ фуқаролар таклиф этилди.
Давлат раҳбарининг ташаббуслари билан ифторлик ташкил қилинган ифторлик маросимида «Имом Захириддин» масжиди имом-хатиби Ҳасанбой домла Олимназаров ҳам қатнашиб, «Тинч ватанга шукроналик ярашар» мавзусида илмий суҳбат қилиб бердилар.