Динимизда вафот этганлар учун 52 маросимини қилиш тўғрисида нима дейилган?

Жавоб: Ва алайкум ассалом!

— Динимизда бу каби маросим йўқ. Тўғри, динимизда хайру эҳсон ва савобли амаллар қилиб, унинг савобини вафот этганларга бағишлаш бор ва бу тарғиб қилинган амалдир. Шу жумладан, имкони бўлса, маййитнинг ёки ўзининг яқинларини, ночор инсонларни чақириб, эҳсон дастурхони ҳам ёзиш мумкин. Албатта, бунинг ҳам савоби маййитга етиб боради. Аммо маййит учун турли кунларга мослаб маросим қилиш шариат талаби эмас. 52 кун деган маросим ҳам шулар қаторига киради. Буни динда бор нарса, албатта, 52 кун қилиш керак, деган эътиқодда бўлиш хато тушунчадир. Валлоҳу аълам.

Ўзбекистон мусулмонлари идораси
Фатво маркази

***

Savol: Assalomu alaykum!

— Dinimizda vafot etganlar uchun 52 marosimini qilish to‘g‘risida nima deyilgan?

Javob: Va alaykum assalom!

— Dinimizda bu kabi marosim yo‘q. To‘g‘ri, dinimizda xayru ehson va savobli amallar qilib, uning savobini vafot etganlarga bag‘ishlash bor va bu targ‘ib qilingan amaldir. Shu jumladan, imkoni bo‘lsa, mayyitning yoki o‘zining yaqinlarini, nochor insonlarni chaqirib, ehson dasturxoni ham yozish mumkin. Albatta, buning ham savobi mayyitga yetib boradi. Ammo mayyit uchun turli kunlarga moslab marosim qilish shariat talabi emas. 52 kun degan marosim ham shular qatoriga kiradi. Buni dinda bor narsa, albatta, 52 kun qilish kerak, degan e’tiqodda bo‘lish xato tushunchadir. Vallohu a’lam.

O‘zbekiston musulmonlari idorasi
Fatvo markazi