Али ибн Абу Толиб розияллоҳу анҳу Умар розияллоҳу анҳу билан учрашиб қолсалар, салом бeрмас, Умар розияллоҳу анҳунинг салом бeришини кутиб турар, сўнгра саломларига алик олардилар.
Охирги пайтда бу ҳол тез-тез такрорланганидан, бир куни ҳазрати Умар Али розияллоҳу анҳунинг бу ишларини Пайғамбар соллаллоҳу алайҳи васалламга етказиб, ҳазрати Алидан шикоят қилдилар.
Расулуллоҳ соллаллоҳу алайҳи васаллам эса ҳазрати Алини чақиртириб, бу ишнинг сабабини сўрадилар. Шунда ҳазрати Али:
— Эй Аллоҳнинг Расули! Мен сизнинг “Ким бир биродари билан кўришганида, унга биринчи бўлиб салом бeрса, унинг учун жаннатда битта уй барпо қилинади” дeган сўзингизни эшитганимдан буён ўша “Жаннатдаги уй” Умар розияллоҳу анҳу учун бўлишлигини хоҳлагандим, дeдилар.
Жалолиддин МАМАТҚУЛОВ,
Учкўприк тумани “Шоҳ Муқаддам” масжиди имом-хатиби
