Жонажон ватанимиз азалдан буюк алломалар юрти сифатида дунёга бўй таратган. Азим Қўқон шаҳриҳам қадимдан ана шундай етук уламо ва илм аҳлларига бешик бўлиб келгани маълум ва машҳурдир.
Бугун биз ахборот тарқатишнинг энг юксак чўққига кўтарилган даврда яшаяпмиз десак, ҳеч ким шубҳа қилмаса керак албатта. Танганинг икки томони бўлганидек, ахборот воситаларидан фойдаланишнинг ҳам ўз меъёр ва одоблари мавжуд. Биз ҳозир бу ҳақда тўхталмоқчи эмасмиз. Балки ахборот воситалари, тўғрироғи, интернет ва ижтимоий тармоқларда айни даврда юртимизда истиқомат қилаётган мўмин-мусулмонлар, уларни Яратганнинг ҳузуридаги бандалик вазифалари ҳамда жамият олдидаги масъулиятларини билдириш, одоб-ахлоқ ва таълим-тарбия беришда улкан хизматларни олиб бораётган устозлар шаънига номақбул гап-сўзларни тарқатиш, уламолар обрўсини тўкишга уриниш билан “динга хизмат қилаётганлар”га озгина илинганларимиз бор.
Бир гал вилоятда хизмат қилаётган аҳли илмлар ўртасидаги анжуманда устоз Иброҳимжон домлага сўз берилди. Домла минбарга чиқиб,ҳамд санодан сўнг жаноб Пайғамбаримиз Муҳаммад соллаллоҳу алайҳи васалламнинг “Мўмин мўминнинг ойнасидир” (Имом Бухорий, “Адаб ал-муфрад”) ҳадисини шарҳлаб бердилар.
– “Мўмин мўминнинг ойнасидир”. Агар ойнага қарасангиз, у сиздаги борнарсани қандай бўлса, шундайлигича, яъни ўзгартирмай кўрсатиб беради. Шундай экан, мўмин киши ғоят соф ва жозибали бир кўзгу каби бўлиши керакки, шояд унга қараган бошқа мўминлар ўз айбу қусурларини кўриб, ўзларини тузатсинлар. Бу ҳам мўмин кишининг камолотига боғлиқдир. Маънан баркамол бўлмаган, жоҳил, хулқи бузуқ кимсалар бундай соф кўзгу бўлолмайдилар, – дея таъкидлагандалар домла.
Энди савол туғилади: биз камчиликларимиз ва айбу нуқсонларимизни тузутишда бир-биримизга ҳақиқатан ойнадек бўла оляпмизми? Бугунинтернет ёки ижтимоий тармоқларда ўтириб олиб, ўзининг кимлигини яшириб, халқ ва дин дарди билан яшаётган уламоларни таҳқирлаётганлар ушбу ҳадисларни кўрмасмикинлар? Хулоса ўзингиздан.
Мансуржон ЛУТФИДДИНОВ,
Бувайда тумани “Сўфи Оллоёр” масжиди имом-хатиби
