Мўмин кишининг юксак фазилати ва олий хулқидан бири – одамлар билан муроса қилиш. Киши илож ва имкон қадародамлар билан муроса қилиши, улар билан тортишмаслиги,хусуматлашмаслиги хайр бўлиб, бу ҳақда пайғамбаримиз Муҳаммад соллаллоҳу алайҳи васаллам шундай марҳамат қилдилар:“Аллоҳ мени бутларга сиғинишдан қайтарганидан кейинги илк қайтарган нарса – маст қилувчи ичимликлар ичиш ва кишилар билан уришиб, тортишишдир”.
Жобир розияллоху анҳу Набий соллаллоҳу алайҳи васалламдан ривоят қилади:“Инсонлар билан муроса қилиш садақадир”.
Баъзи ҳукамолар айтадилар:»Ким ота-онасига оқ бўлса, боласидан хурсандчилик кўрмайди.Ким ишда маслаҳат сўрамаса, ҳожат-мақсадига етмайди.Ким аҳли билан муроса қилмаса,ҳаётнинг лаззати кетади”.
Киши уйига кирса аҳлига салом бериши, яхшилаб ўтириб жойлашмагунча гапирмаслиги,борди-ю гапирса ҳам мулойимлик билан гапириши мустаҳабдир. Чунки Набий соллаллоҳу алайҳи васаллам: “Сизларни яхшиларингиз аҳлига яхшиларингиздир”, деганлар.
Ҳозирги кунида аксариятимиз одамлар билан муносабатда чиройли муроса қилишга жуда муҳтожмиз.Зеро, чиройли муросани, аввало, ўз оиламиз,яқинларимиздан бошлашимиз мақсадга мовофиқ. Оилада эр аҳли аёлига, фарзандларига чиройли муомала қилиши, таълим даргоҳларида устоз шогирдларига чиройли муомала қилиши, ишхона ёки шу каби муассасаларда раҳбар ўз ходимларга чиройли муомала қилиши юксак фазилат бўлиш билан биргажамиятда тотувлик,меҳр-оқибат каби ўчмас қадриятларнингянада мустаҳкам бўлишига сабаб бўлади.
Аллоҳим, бизларни одамлар билан чиройли муроса қилишга муваффақ қил!
Қодирхон МАҲМУДОВ,
Бувайда тумани «Маъруфхон тўра» масжиди имом-хатиби
