Бир девона боғ четидаги деворга илинган эшакнинг бош суягини кўриб, нега бундай қилишганини сўради. Унга боққа кўз тегмаслиги учун осилганини тушунтиришди.
Девона деди:
– Тириклигида бошига тушаётган калтакни қайтара олмаган эшакнинг суяги энди боғингиздан ёмон кўзни қайтарармиди!
…Баъзан, девона билган нарсага ўзини салкам даҳо ҳисоблайдиган одамларнинг онги етмаганига ҳайрон қоласан.
