Товуқ ичган сувдан таҳорат олиш мумкинми?

Жавоб: Ва алайкум ассалом!

— Товуқнинг сўлаги ва ичган суви пок ҳисобланади. Фақат бўш юрадиган товуқлар баъзан нажосат еб қўйиши эҳтимоли борлиги учун улар теккан сувларда таҳорат олиш макруҳи танзиҳий, яъни ҳалолга яқин макруҳ ҳисобланади. Аммо нопок бўлмайди. Яъни товуқнинг тумшуғи теккан сув кийим ёки баданга тегса, уларни нопок қилмайди. Макруҳлик дегани шуки, бошқа сув борлигида, ўша сув билан таҳорат олинади. Бошқа сув бўла туриб, бундай сувдан таҳорат қилса, таҳорати дуруст бўлса-да, лекин ҳалолга яқин макруҳ амалга йўл қўйган бўлади.
Агар товуқ эгаси товуғининг тумшуғи нажосатга тегмаганини аниқ билса ва товуқ сувдан ичса, бу сувда таҳорат олиш макруҳ бўлмайди.
Агар товуқнинг тумшуғида нажосат борлиги аниқ бўлса ва шу ҳолатда сувга тегса, бу ҳолда сув нажосат бўлади. Уни тўкиб юбориш ва идишни поклаш лозим бўлади. Валлоҳу аълам.

Ўзбекистон мусулмонлари идораси
Фатво маркази

***

Savol: Assalomu alaykum!

— Tovuq ichgan suvdan tahorat olish mumkinmi? Yoki unday suvni to‘kib yuborish kerakmi?

Javob: Va alaykum assalom!

— Tovuqning so‘lagi va ichgan suvi pok hisoblanadi. Faqat bo‘sh yuradigan tovuqlar ba’zan najosat yeb qo‘yishi ehtimoli borligi uchun ular tekkan suvlarda tahorat olish makruhi tanzihiy, ya’ni halolga yaqin makruh hisoblanadi. Ammo nopok bo‘lmaydi. Ya’ni tovuqning tumshug‘i tekkan suv kiyim yoki badanga tegsa, ularni nopok qilmaydi. Makruhlik degani shuki, boshqa suv borligida, o‘sha suv bilan tahorat olinadi. Boshqa suv bo‘la turib, bunday suvdan tahorat qilsa, tahorati durust bo‘lsa-da, lekin halolga yaqin makruh amalga yo‘l qo‘ygan bo‘ladi.
Agar tovuq egasi tovug‘ining tumshug‘i najosatga tegmaganini aniq bilsa va tovuq suvdan ichsa, bu suvda tahorat olish makruh bo‘lmaydi.
Agar tovuqning tumshug‘ida najosat borligi aniq bo‘lsa va shu holatda suvga tegsa, bu holda suv najosat bo‘ladi. Uni to‘kib yuborish va idishni poklash lozim bo‘ladi. Vallohu a’lam.

O‘zbekiston musulmonlari idorasi
Fatvo markazi