2024–2025 ўқув йилида диний таълим муассасаларини муваффақиятли тамомлаб, вилоятимиз масжидларида хизмат вазифасига тайинланган соҳа ходимлари билан учрашув бўлиб ўтди. Мазкур тадбир ёш имомлар ва имом-ноибларнинг фаолиятини қўллаб-қувватлаш, уларга маънавий-маърифий йўналишда зарур тавсиялар бериш мақсадида ташкил этилди.
Учрашувда вилоят бош имом-хатиби Убайдуллоҳ домла Абдуллаев, вилоят бош имом-хатиби ўринбосари Алишер домла Наимов ҳамда вилоят вакиллиги ходимлари иштирок этдилар. Суҳбат давомида масжидларда фаолият юритаётган ёш имомлар ва имом-ноибларнинг иш бошлаганларидан буён амалга оширган фаолияти, жамоа билан ишлаш тажрибаси ҳамда муоммолари тингланди.
Мулоқот чоғида Убайдуллоҳ домла Абдуллаев ёш имомларнинг хизмат фаолияти билан яқиндан танишиб, уларнинг ташаббуслари, масъулияти ва жамоатчилик билан олиб бораётган ишларига алоҳида тўхталдилар. Шунингдек, Ўзбекистон мусулмонлари идорасининг ҳамда Фарғона вилояти вакиллиги раҳбарияти, ташкилий тузилмаси ва асосий вазифалари, шунингдек, иш услуби ва талаблари ҳақида атрофлича маълумотлар берилди.
Тадбирда имомлик юксак маънавий масъулият ва шарафли хизмат экани таъкидланди. Имом-хатиблар ва имом-ноиблар жамиятда ҳар томонлама ибрат бўлиши, ўз одоби, сўзи ва амали билан инсонларни эзгуликка чорлаши лозимлиги қайд этилди. Айниқса, ёшлар билан ишлаш, оилалар мустаҳкамлиги, диний-маърифий тарғибот ишларини замон талаблари асосида олиб бориш муҳим вазифалардан экани уқтирилди.
Учрашув якунида ёш соҳа ходимларига келгуси фаолиятида муваффақиятлар тилаб, доимий изланиш, билим ва малакасини ошириб бориш зарурлиги таъкидланди. Бундай учрашувлар ёш имомларнинг касбий ўсиши, масъулияти ва жамият олдидаги бурчини янада чуқур англаб етишига хизмат қилиши қайд этилди.
Фарғона вилояти вакиллиги Матбуот хизмати
***
2024–2025 o‘quv yilida diniy ta’lim muassasalarini muvaffaqiyatli tamomlab, viloyatimiz masjidlarida xizmat vazifasiga tayinlangan soha xodimlari bilan uchrashuv bo‘lib o‘tdi. Mazkur tadbir yosh imomlar va imom-noiblarning faoliyatini qo‘llab-quvvatlash, ularga ma’naviy-ma’rifiy yo‘nalishda zarur tavsiyalar berish maqsadida tashkil etildi.
Uchrashuvda viloyat bosh imom-xatibi Ubaydulloh domla Abdullayev, viloyat bosh imom-xatibi o‘rinbosari Alisher domla Naimov hamda viloyat vakilligi xodimlari ishtirok etdilar. Suhbat davomida masjidlarda faoliyat yuritayotgan yosh imomlar va imom-noiblarning ish boshlaganlaridan buyon amalga oshirgan faoliyati, jamoa bilan ishlash tajribasi hamda muommolari tinglandi.
Muloqot chog‘ida Ubaydulloh domla Abdullayev yosh imomlarning xizmat faoliyati bilan yaqindan tanishib, ularning tashabbuslari, mas’uliyati va jamoatchilik bilan olib borayotgan ishlariga alohida to‘xtaldilar. Shuningdek, O‘zbekiston musulmonlari idorasining hamda Farg‘ona viloyati vakilligi rahbariyati, tashkiliy tuzilmasi va asosiy vazifalari, shuningdek, ish uslubi va talablari haqida atroflicha ma’lumotlar berildi.
Tadbirda imomlik yuksak ma’naviy mas’uliyat va sharafli xizmat ekani ta’kidlandi. Imom-xatiblar va imom-noiblar jamiyatda har tomonlama ibrat bo‘lishi, o‘z odobi, so‘zi va amali bilan insonlarni ezgulikka chorlashi lozimligi qayd etildi. Ayniqsa, yoshlar bilan ishlash, oilalar mustahkamligi, diniy-ma’rifiy targ‘ibot ishlarini zamon talablari asosida olib borish muhim vazifalardan ekani uqtirildi.
Uchrashuv yakunida yosh soha xodimlariga kelgusi faoliyatida muvaffaqiyatlar tilab, doimiy izlanish, bilim va malakasini oshirib borish zarurligi ta’kidlandi. Bunday uchrashuvlar yosh imomlarning kasbiy o‘sishi, mas’uliyati va jamiyat oldidagi burchini yanada chuqur anglab yetishiga xizmat qilishi qayd etildi.
Farg‘ona viloyati vakilligi Matbuot xizmati
