Савол: Ассалому алайкум!
— Агар қўшнилар ғийбатчи, бир-бирини кавлайдиган бўлса, улар билан кирди-чиқди қилмасам гуноҳ бўлмайдими?
Жавоб: Ва алайкум ассалом!
— Қўшнилар билан яхши алоқада бўлиш лозим. Зеро, бу борада шариатимиз жуда кўплаб тавсиялар берган, уларга яхшилик қилиш, ёрдам қўлини чўзиш мусулмонлик бурчи ҳисобланади. Оиша розияллоҳу анҳодан ривоят қилинади: Расулуллоҳ соллаллоҳу алайҳи васаллам: “Жаброил алайҳиссалом менга қўшни борасида мунтазам йўл кўрсатдилар, мен “қўшнини меросхўр қилиб қўярмикан”, деб ўйлаб қолдим» деб марҳамат қилганлар.
Қўшниларнинг баъзи камчиликлари бўлса уларни мусулмон сифатида чиройли насиҳатлар билан тўғри йўлга бошлаш ҳам қўшничиликнинг бир мажбурияти ҳисобланади. Валлоҳу аълам.
ЎМИ Фатво ҳайъати