Савол: Ассалому алайкум!
— Эшитишимча эркакларнинг 40 ёшгача қилган зиноси кечирилар, аёлларники эса кечирилмас экан. Шу ростми?
Жавоб: Ва алайкум ассалом!
— Эркакми, аёлми балоғатга етгунча қилган гуноҳлари унга ёзилмайди, чунки у балоғатга етгунча шариатнинг буйруқларига мукаллаф (масъул) эмас. Лекин киши балоғатга етгандан кейин эркакми, аёлми катта кичик гуноҳлари унинг амал китобига ёзилиб боради. Катта гуноҳларни ювиш учун шу гуноҳдан тавба қилиб, қайтиб қилмаслик ва тўғри йўлга ўтиш зарур бўлади. Акс ҳолда гуноҳлар кечирилмайди.
Демак, эркакнинг 40 ёшгача қилган зиноси кечирилади, деган гап нотўғри. Буни катта эҳтимол билан шу гуноҳни қилиб юрадиганлар ўйлаб топган бўлса керак. Валлоҳу аълам.
ЎМИ Фатво ҳайъати
