Савол: Ассалому алайкум!
— 3 дона нон сотиб олдим, сотувчи мендан «бу нонни таъзияга олаяпсизми?» деб сўради. Йўқ деб жавоб бердим ва у менга тоқ нонлар таъзияга олинади. деди. Шуни тушунтириб берсангиз, миннатдор бўлардим.
Жавоб: Ва алайкум ассалом!
— Аслида, тоқ оладими, жуфт оладими, гуноҳи йўқ. Бу борада: «Аллоҳ таоло тоқдир, тоқни яхши кўради. Тоқ қилинглар эй, аҳли Қуръон!», деган ҳадис келган (Имом Термизий, Абу Довуд ва Насоий Али разияллоҳу анҳудан ривоят қилишган). Таъзияга тоқ, тирикларга жуфт деган гапнинг асоси йўқ. Валлоҳу аълам.
ЎМИ Фатво ҳайъати
