Савол: Ассалому алайкум!
— Ҳозирда ақлли соатлар телефонга уланади ва хабарлар келганда соатда кўринади. Намоз ўқиётган вақтда хабарларни бехосдан ўзи хоҳламаган ҳолда ўқиса ёки рақамларга кўзи тушиб қолса, намоз бузилмайдими?
Жавоб: Ва алайкум ассалом!
— Бундай ҳолатда кўзингиз тушиб қолиши ёки ичингизда (дилингиз билан) ўқишингиз билан намоз бузилмайди. Аммо хабарни ёки соатни тилга чиқариб ўқиб қўйсангиз, намозингиз бузилади. Чунки намоз ичида гапириш уни бузади.
Намоз банданинг Робби билан муножоти бўлгани учун, уни ўқиш давомида атайлаб соатга қарамаслик керак. Муножотда атрофга аланглаш, турли нарсаларга қараш хушуга путур етказади. Валлоҳу аълам.
Ўзбекистон мусулмонлари идораси
Фатво маркази
***
Savol: Assalomu alaykum!
— Hozirda aqlli soatlar telefonga ulanadi va xabarlar kelganda soatda ko‘rinadi. Namoz o‘qiyotgan vaqtda xabarlarni bexosdan o‘zi xohlamagan holda o‘qisa yoki raqamlarga ko‘zi tushib qolsa, namoz buzilmaydimi?
Javob: Va alaykum assalom!
— Bunday holatda ko‘zingiz tushib qolishi yoki ichingizda (dilingiz bilan) o‘qishingiz bilan namoz buzilmaydi. Ammo xabarni yoki soatni tilga chiqarib o‘qib qo‘ysangiz, namozingiz buziladi. Chunki namoz ichida gapirish uni buzadi.
Namoz bandaning Robbi bilan munojoti bo‘lgani uchun, uni o‘qish davomida ataylab soatga qaramaslik kerak. Munojotda atrofga alanglash, turli narsalarga qarash xushuga putur yetkazadi. Vallohu a’lam.
O‘zbekiston musulmonlari idorasi
Fatvo markazi
