«Аллоҳ таоло бир бандасига яхшиликни ихтиёр этса, унинг тилига саййидимиз Муҳаммад соллаллоҳу алайҳи ва салламга салавот айтишни осон қилиб қўяди»
«Бўстонул воизийн» асаридан.
Муҳаммад Мустафо соллаллоҳу алайҳи ва салламга доимий салавот айтиш натижасида инсон қалбида лаззат ва сокинликни ҳис этади. Зеро, салавот нур ва барака манбаидир. Қачон салавот айтсангиз, қалбингизга нур инади ва бу нур танангиздаги ҳар бир ҳужайрага кириб боради. Натижада бутун танангиз нуронийга айланади.
Салавот туфайли инган нурни етмиш минг фаришта қўриқлаб туради. Фаришталар Аллоҳнинг аскарлари бўлиб, улар салавот айтувчини ҳам инс у жинларнинг ёмонликларидан муҳофаза қиладилар. Шуни унутмайликки, кўп салавот айтиш Пайғамбаримиз алайҳиссаломни қалбан улуғлаш демак.
Шундай экан, қалбингизда ҳеч бир дунё иши у зотни улуғлашдан ғолиб келмасин.
Кўп салавот айтиш ибодат ва зикрларга ҳеч қандай чарчоқ ва эринчоқликсиз адо этишини қодир қилади. Аллоҳ таоло ирода қилса, салавот айтиш инсондаги кўплаб касалликларга шифо бўлади.
***
«Alloh taolo bir bandasiga yaxshilikni ixtiyor etsa, uning tiliga sayyidimiz Muhammad sollallohu alayhi va sallamga salavot aytishni oson qilib qoʻyadi»
«Boʻstonul voiziyn» asaridan.
Muhammad Mustafo sollallohu alayhi va sallamga doimiy salavot aytish natijasida inson qalbida lazzat va sokinlikni his etadi. Zero, salavot nur va baraka manbaidir. Qachon salavot aytsangiz, qalbingizga nur inadi va bu nur tanangizdagi har bir hujayraga kirib boradi. Natijada butun tanangiz nuroniyga aylanadi.
Salavot tufayli ingan nurni etmish ming farishta qoʻriqlab turadi. Farishtalar Allohning askarlari boʻlib, ular salavot aytuvchini ham ins u jinlarning yomonliklaridan muhofaza qiladilar. Shuni unutmaylikki, koʻp salavot aytish Paygʻambarimiz alayhissalomni qalban ulugʻlash demak.
Shunday ekan, qalbingizda hech bir dunyo ishi u zotni ulugʻlashdan gʻolib kelmasin.
Koʻp salavot aytish ibodat va zikrlarga hech qanday charchoq va erinchoqliksiz ado etishini qodir qiladi. Alloh taolo iroda qilsa, salavot aytish insondagi koʻplab kasalliklarga shifo boʻladi.
