Фарз ибодатларни бизга Аллоҳ таоло ихтиёр қилган. Нафл ибодатлар эса бандага ихтиёрий, тоқатидан келиб чиқиб бажаради. Фарз ибодатлар инсонни Аллоҳ таолога яқинлаштиради. Яна ҳам яқилаштирадигани нафл бўлади.
Пайғамбаримиз соллаллоҳу алайҳи васаллом бир куни саҳобийларга айтдилар:
— Сизлар сафарга чиқсаларинг, зоди роҳила (заҳира)сиз чиқмайсизлар. Энди охират сафарига қандай зоди роҳиласиз чиқасизлар!?
— Ё Расулуллоҳ, зоди роҳила нима у, — дейишди.
— Кечаси ўқилган икки ракат намозларинг, — дедилар.
Абул Қосим исмли зот дунёдан ўтдилар. Яқин дўстлари ул зотни тушларида кўрдилар. Сўрадилар:
— Эй Абул Қосим, Аллоҳ таоло сизга қандай муомила қилди?
— Кўп ибодатлар ўчиб, фақатгина кечасида ўқилган икки ракат намоз қолибди, — дедилар Абул Қосим.
Ҳа азизлар! Бизни ҳали нима қутқаради, билмаймиз. Йўлимиздан чиққан яхши амалларни қилайлик. Эҳтимол, шунда Аллоҳ таолонинг розилиги бордир.
Давронбек Норматов,
Ўзбекистон тумани “Абу Мусо Ашъарий” масжиди имом-хатиби
