Бисмиллаҳир Роҳманир Роҳийм
Она фарзандини дунёга келтириши – ҳаётдаги энг оғриқли синовлардан бири саналади.
Марям алайҳассалом Ийсо алайҳиссаломга ҳомиладор бўлганларида шундай оғриқни бошдан кечираётганларида Аллоҳ таоло бир қанча оятларни нозил қилган: «“Унинг остидан нидо қилди: “Маҳзун бўлма, батаҳқиқ, Роббинг остингдан оқар сув қилди”» (Марям сураси, 24-оят).
Айрим шифокорлар ҳомиладор аёлларга салқин сувга оёқларини тиқиб ўтиришни тавсия қиладилар. Бу қон айланишини яхшилашга ва туғруқнинг осон кечишига ёрдам беради.
Кейин Аллоҳ таоло хурмо дарахтини силкитишни буюради: “Хурмо танасини ўзингга силкит, сенга янги хурмо туширади” (Марям сураси, 25-оят).
Баъзи туғруқхоналарда ҳомиладор аёлларга нимадир ушлаб туришни ва уни орқага тортишни тавсия қиладилар. Бу туғруқ оғриғи ва мушакларнинг кучланишини енгиллаштиради.
Хурмо таркибида иссиқлик ва осон сўриладиган қанд – фруктоза бор. Шифокорлар ҳомиладор аёлларга туғиш арафасида ва кўз ёриган куни таркибида фруктоза миқдори кўп бўлган озиқ моддалардан истеъмол қилишни тавсия этадилар.
Даврон НУРМУҲАММАД
***
Bismillahir Rohmanir Rohiym
Ona farzandini dunyoga keltirishi – hayotdagi eng og‘riqli sinovlardan biri sanaladi.
Maryam alayhassalom Iyso alayhissalomga homilador bo‘lganlarida shunday og‘riqni boshdan kechirayotganlarida Alloh taolo bir qancha oyatlarni nozil qilgan: «“Uning ostidan nido qildi: “Mahzun bo‘lma, batahqiq, Robbing ostingdan oqar suv qildi”» (Maryam surasi, 24-oyat).
Ayrim shifokorlar homilador ayollarga salqin suvga oyoqlarini tiqib o‘tirishni tavsiya qiladilar. Bu qon aylanishini yaxshilashga va tug‘ruqning oson kechishiga yordam beradi.
Keyin Alloh taolo xurmo daraxtini silkitishni buyuradi: “Xurmo tanasini o‘zingga silkit, senga yangi xurmo tushiradi” (Maryam surasi, 25-oyat).
Ba’zi tug‘ruqxonalarda homilador ayollarga nimadir ushlab turishni va uni orqaga tortishni tavsiya qiladilar. Bu tug‘ruq og‘rig‘i va mushaklarning kuchlanishini yengillashtiradi.
Xurmo tarkibida issiqlik va oson so‘riladigan qand – fruktoza bor. Shifokorlar homilador ayollarga tug‘ish arafasida va ko‘z yorigan kuni tarkibida fruktoza miqdori ko‘p bo‘lgan oziq moddalardan iste’mol qilishni tavsiya etadilar.
Davron NURMUHAMMAD
