Аввал хабар берганимиздек, бугун, 11 ноябрь куни Фарғона вилоятида фаолият юритаётган диний соҳа ходимлари иштирокида давра суҳбати ташкил этилди. Суҳбат доирасида Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг “Эй бандаларим…” Бир қудсий ҳадис шарҳи номли китоби тақдимоти бўлиб ўтди.
Тадбирда вилоят бош имом-хатиби ўринбосари Алишер домла Наимов сўзга чиқиб, мазкур асарнинг бугунги кундаги аҳамияти юқори эканини таъкидлади. Мазкур асарнинг мўмин-мусулмонлар ҳаётида муҳим аҳамият касб этиши қайд этилиб, унинг кенг жамоатчилик учун фойдали қўлланма бўлиб хизмат қилиши айтилди.
***
Avval xabar berganimizdek, bugun, 11 noyabr kuni Farg‘ona viloyatida faoliyat yuritayotgan diniy soha xodimlari ishtirokida davra suhbati tashkil etildi. Suhbat doirasida O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining “Ey bandalarim…” Bir qudsiy hadis sharhi nomli kitobi taqdimoti bo‘lib o‘tdi.
Tadbirda viloyat bosh imom-xatibi o‘rinbosari Alisher domla Naimov so‘zga chiqib, mazkur asarning bugungi kundagi ahamiyati yuqori ekanini ta’kidladi. Mazkur asarning mo‘min-musulmonlar hayotida muhim ahamiyat kasb etishi qayd etilib, uning keng jamoatchilik uchun foydali qo‘llanma bo‘lib xizmat qilishi aytildi.
