Биз яшаётган давр – ахборот ва техника тобора ривожланаётган давр бўлмоқда. Интернет ёки ижтимоий тармоқларсиз бугун ҳаётни тасаввур қилиш. Бу бизга кўплаб имконият эшикларини очиш билан бирга эҳтиёткор бўлишни ҳам эслатади. Айниқса, “Ёшларимиз бу қулайлик ва имкониятлардан қай тарзда фойдаланмоқдалар?” “Улар бу каби имкониятлардан унумли фойдалана оляптиларми?” каби кўплаб саволлар бонг ураётгандек. Шундай экан, муқаддас динимиз бу борада бизга қандай кўрсатмаларни беради?
Интернет ва тармоқладаридан ҳам тўғри фойдалнишнинг ўз одоблари мавжуд. Aввало, интенет тармоғига уланишдан мақсадимиз Aллоҳ ризолиги учун ўзимизга лозим бўлган фойдали илмларни ҳосил бўлиши даркор.
Умар ибн Ҳатттоб розияллоҳу анҳудан ривоят қилинади. Расулуллоҳ соллаллоҳу алайҳи васаллам дедилар: “Aлбатта амаллар ниятга боғлиқ…” (Бухорий ва Муслим ривояти).
Пайғамбаримиз Муҳаммад соллаллоҳу алайҳи васаллам ушбу ҳадисларида қилаётган ҳар бир амалимиз ниятга бўғланишини баён қилиб бердилар. Қолаверса, интернетга киришдан олдин вақтни беҳудага сарфламасликни, умрнинг ҳар лаҳзаси қадрли эканини ёдга олишимиз лозим.
Интернет тармоқларида шахси номаълум кишилар тарафидан тарқалаётган асоссиз хабарни тарқатиш ҳам динимизга зид амаллардан ҳисобланади. Зеро Aллоҳ таоло ўзининг Каломи шарифида шундай дейди:
“Эй иймон келтирганлар! Aгар фосиқ хабар келтирса, аниқлаб кўринглар, бир қавмга билмасдан мусийбат йетказиб қўйиб, қилганингизга надомат чекувчи бўлманглар” (Ҳужурот сураси, 6-оят).
Қолаверса, ижтимоий тармоқларда, турли хил интернет чатларида ва мессенжер тармоқларида номаҳрам аёллар билан фахшга ундовчи суҳбатлар қуриш ҳам динимизда қатъий таъқиқланган амаллардан ҳисобланади. Aллоҳ таоло яна бир каломида шундай дейди:
“Ва зинога яқинлашманглар. Aлбатта у фоҳиша иш ва ёмон йўлдир”
(Исро сураси, 32-оят).
Ушбу ояти каримадан кўриниб турибдики, Аллоҳ таоло нафақат зинодан қайтармоқда, балки унга мутлақо яқин йўлашни маън қилди.
Хулоса қилиб айтганда, биз ҳар жойда ҳатто интернет тармоқларида ҳам мусулмон кишининг гўзал одобларини ҳаётга тадбиқ этиб бошқаларга ўрнак бўлишимиз лозим. Aллоҳ таоло барчамизни адашишликдан Ўзи сақласин!
З.Ғуломов,
Ўзбекистон тумани “Оқ тепа” масжиди имом-ноиби
