Бугунги кунда дунёда содир бўлаётган воқеалар ҳамда ижтимоий тармоқларда тарқалаётган турли мунозаралар ва ҳиссиётларга сабаб бўлаётган хуружлар ҳар қандай инсонни ақл билан иш қилишликка ундайди.
Шунинг учун ҳам бизлар бу каби иғво ва фитналар урчиган вақтда Aллоҳнинг кўрсатмасига ва суюкли пайғамбаримиз тавсияларига ҳамда аждодларимизнинг ўгитларига амал қилишимиз даркор.
Aллоҳ таоло Исро сурасида: “Албатта, шайтон уларнинг (халқларнинг) ўрталарини бузади, албатта шайтон инсонларга очиқ душман”. Демак, шайтон ва унинг шериклари инсониятни ислоҳини ҳоҳлашмас экан, балки ҳалокатини ҳоҳлар экан ва бу йўлда улар ҳар хил разилликлардан ҳам тап тортмайдилар.
Aллоҳ таоло пайғамбаримизга хитоб қилиб айтадики: “Эй Пайғамбар! Биз сизни уларни устига вакил қилиб юбормадик, илло тўғри йўлни баён қилиш учун ва муроса қилиш учун юбордик. Саҳобаларизга буюринг, улар ҳам муроса йўлини танласинлар, азиятларни кўтарсинлар, душманчиликни тарк қилсинлар”.
Суюкли пайғамбариз ҳадисларида: “Aлбатта, Aллоҳ таоло менга фарзларни қоим қилишга буюрганидек, инсонлар билан муроса қилишга буюрди” деб марҳамат қилдилар.
Баъзи улуғ зотлар айтган эканлар: Ҳақиқий пайғамбарини суйган киши Худога сидқ ила, халққа инсоф ила, олимларга тавозеъ ва итоат ила, душманларга муроса ила, жоҳилларга сукут қилиб боради”, деган экан.
Бугун бизлар юқоридаги каби фитналарга берилмасдан, балки оятлар, пайғамбаримизнинг ҳадислари ва тавсияларига ҳамда уламоларимизнинг насиҳатларига амал қилсак, ҳақиқий мўминликни изҳор қилган бўламиз, инша Аллоҳ!
A.Aбдухолиқов,
Фарғона тумани “Ҳувайдо” масжиди имом-ноиби
