Савол: Ассалому алайкум!
—Ғусл қилаётганда узрли сабаби бўлса бошни ювмаса ҳам бўлаверадими? Яъни бошида муаммо бўлса.
Жавоб: Ва алайкум ассалом!
—Ғуслда агар баданининг аксар қисмига сув теккизиш бирор беморликка сабаб бўлса ёки касалликни тузалишини ортга суриб юборадиган бўлса, шунда ғусл қилмасдан таяммум қилинади. Агар баданнинг ярмидан кўпроқ қисмига сув ишлатиш имкони бўлса, сув ишлатиш имкони бор жойларни тўлиқ ювилади, қолган қисмига масҳ тортилади. Сув тегса зарар қилиши ёки қилмаслиги тажрибали табибнинг гапи билан бўлади. Валлоҳу аълам.
ЎМИ Фатво ҳайъати
