Савол: Ассалому алайкум!
— Қурбонлик қилаётганда ҳайвонни қиблага юзлантириб сўйиш қандай амал? Қассоб ўзи ҳам қиблага юзланадими?
Жавоб: Ва алайкум ассалом!
— Ҳайвон сўйишда бир қанча мустаҳаб бўлган амаллар бор бўлиб, шулардан бири жонлиқни қиблага юзлантириш бўлса, яна бири сўювчининг ўзини ҳам юзланишидир. Шу боис қассоб сўйишда қиблага юзланиши, ҳайвонни ҳам қиблага юзлантириши тавсия этилади. Уламолар қассоб ҳайвонни чап томонига ётқизса, мустаҳабга риоя қилиш осон бўлади, ҳайвон қиблага қарайди, ўзи ҳам қиблага юзланади, пичоғи ҳам ўнг қўлида бўлади, дейишган.
Агар қассоб юқорида айтилган мустаҳабга риоя қилмай сўйиб қўйган бўлса, гўшти ҳаром бўлиб қолмайди. Чунки мустаҳаб амални қилса, ажру савобга эришади, қилолмаса, гуноҳкор бўлмайди. Валлоҳу аълам.
Ўзбекистон мусулмонлари идораси
Фатво маркази
***
Savol: Assalomu alaykum!
— Qurbonlik qilayotganda hayvonni qiblaga yuzlantirib so‘yish qanday amal? Qassob o‘zi ham qiblaga yuzlanadimi?
Javob: Va alaykum assalom!
— Hayvon so‘yishda bir qancha mustahab bo‘lgan amallar bor bo‘lib, shulardan biri jonliqni qiblaga yuzlantirish bo‘lsa, yana biri so‘yuvchining o‘zini ham yuzlanishidir. Shu bois qassob so‘yishda qiblaga yuzlanishi, hayvonni ham qiblaga yuzlantirishi tavsiya etiladi. Ulamolar qassob hayvonni chap tomoniga yotqizsa, mustahabga rioya qilish oson bo‘ladi, hayvon qiblaga qaraydi, o‘zi ham qiblaga yuzlanadi, pichog‘i ham o‘ng qo‘lida bo‘ladi, deyishgan.
Agar qassob yuqorida aytilgan mustahabga rioya qilmay so‘yib qo‘ygan bo‘lsa, go‘shti harom bo‘lib qolmaydi. Chunki mustahab amalni qilsa, ajru savobga erishadi, qilolmasa, gunohkor bo‘lmaydi. Vallohu a’lam.
O‘zbekiston musulmonlari idorasi
Fatvo markazi
