Намозда сажда қилишда қўлларни қандай қўйган тўғри?

Жавоб: Ва алайкум ассалом!

— Саждада қўлларнинг бош бармоқларини қулоқлар тўғрисига қўйиш суннатдир. Чунки бунда тирсакларни биқиндан узоқ тутиш ҳолатини мукаммалроқ адо этиш осонлашади. Бундай қилиш эса эркаклар учун суннат эди ва шунинг учун ҳам қулоқлар тўғрисига қўйиш афзалроқ дейилган.
Аллома Ибн Обидин роҳимаҳуллоҳ “Раддул муҳтор” китобида бундай дейди: (Мусаннифнинг «икки кафти орасига» деган сўзи), яъни икки бош бармоғи икки қулоғининг тўғрисида бўладиган тарзда (сажда қилади демакдир)… Муҳаққиқ Ибн Ҳумом… дейдилар: ҳар иккиси (қулоқ тўғрисига ва елка тўғрисига қўйиш) ҳам Расулуллоҳ алайҳиссаломдан ворид бўлгани учун суннат, бироқ, биринчиси (бош бармоқларни қулоқлар тўғрисига қўйиш) афзалроқдир, чунки у суннат бўлган (тирсакларни биқиндан) узоқ тутиш амалини мукаммалроқ адо этишга имкон беради. Валлоҳу аълам.

Ўзбекистон мусулмонлари идораси
Фатво маркази

***

Savol: Assalomu alaykum!

— Namozda sajda qilishda qo‘llarni qanday qo‘ygan to‘g‘ri? Bosh barmoqlar quloqlar to‘g‘risida turishimi yoki yelka to‘g‘risida turishimi?

Javob: Va alaykum assalom!

— Sajdada qo‘llarning bosh barmoqlarini quloqlar to‘g‘risiga qo‘yish sunnatdir. Chunki bunda tirsaklarni biqindan uzoq tutish holatini mukammalroq ado etish osonlashadi. Bunday qilish esa erkaklar uchun sunnat edi va shuning uchun ham quloqlar to‘g‘risiga qo‘yish afzalroq deyilgan.
Alloma Ibn Obidin rohimahulloh “Raddul muhtor” kitobida bunday deydi: (Musannifning «ikki kafti orasiga» degan so‘zi), ya’ni ikki bosh barmog‘i ikki qulog‘ining to‘g‘risida bo‘ladigan tarzda (sajda qiladi demakdir)… Muhaqqiq Ibn Humom… deydilar: har ikkisi (quloq to‘g‘risiga va yelka to‘g‘risiga qo‘yish) ham Rasululloh alayhissalomdan vorid bo‘lgani uchun sunnat, biroq, birinchisi (bosh barmoqlarni quloqlar to‘g‘risiga qo‘yish) afzalroqdir, chunki u sunnat bo‘lgan (tirsaklarni biqindan) uzoq tutish amalini mukammalroq ado etishga imkon beradi. Vallohu  a’lam.

O‘zbekiston musulmonlari idorasi
Fatvo markazi