Эр хотинига эътиборсиз бўлса…

Савол: Ассалому алайкум! Исломда эринг худо, нима деса қилиш керак дейилган. У киши оила учун умуман қайғурмаса болалари, аёлига меҳри бўлмаса, уларга зулм ўтказаверса, ҳар хил ёмон гаплар билан сўкса, ундан ҳеч бир яхшилик кўрмаса, кийим–кечак, озиқ-овқат билан таъминламаса, аёл индамасдан чидаб яшаса–ю эр унинг қадрига етмаса, қандай йўл тутса тўғри бўлади?. Жавобингиз учун катта раҳмат!

Жавоб: Ва алайкум ассалом! “Эринг худо” деган гап Ислом динининг гапи эмас. Бундай дейиш катта гуноҳдир. Буни эътиқод билан гапирган кишининг диндан чиқиши хавфи бор. Ислом дини оиланинг барча таъминотларини – у таъминот моддий ёки маънавий таъминот бўлсин – эрнинг зиммасига юклайди. Бу таъминотларни адо қилишдан бош тортган эр гуноҳкор бўлади. Ислом дини имкон қадар оилани сақлаб қолишга тарғиб қилади. Агар эр сиз айтгандек, аёлининг таъминотига умуман қайғурмаса ва бу ҳам етмагандек, зулм ҳам қиладиган бўлса, аёлнинг ажрашиш ҳаққи бордир. Валлоҳу аълам.

ЎМИ фатво ҳайъати