Савол: Ассалому алайкум!
— Ақиқа учун сўйилган ҳайвоннинг суягини синдириш мумкинми? Баъзилар мумкин деса, бошқалар мумкин эмас, дейишяпти. Шу ҳақида маълумот берсангиз.
Жавоб: Ва алайкум ассалом!
— Имом Ҳоким раҳимаҳуллоҳ Оиша розияллоҳу анҳонинг шундай деганлари ривоят қилган:
تقطع جدولا و لا يكسر لها عظم“ رواه الحاكم
“(Ақиқанинг гўшти) бўлаклаб (яъни бўғимларидан) кесилади, суяги синдирилмайди”, деганлар. Ҳадиснинг мазмуни “Ақиқага сўйилган жонлиқнинг гўшти аъзоларига қараб суякларни синдирмасдан бўлакланади”, деган маънода бўлади. Мана шундай қилиш мустаҳаб саналади.
Баъзилар ақиқага сўйилган жонлиқнинг суякларини синдириш гуноҳ бўлади, деб тушунадилар. Гўштини аъзоларига қараб суякларни синдирмасдан бўлаклаш юқорида айтилгандек мустаҳаб ҳисобланади. Имкон қила олса, шундай қилгани афзал. Лекин уни шарт деб тушуниб олмаслик керак. Агар синдириш зарурати туғилса, синдириш жоиз.
» وَلَا يُكْسَرُ عَظْمُهَا، وَإِنْ كُسِرَ لَمْ يُكْرَهْ». (كتاب الذبائح)
“Ақиқага сўйилган ҳайвоннинг суяги синдирмаслик афзалдир. Мободо синдирилса ҳам кароҳияти йўқ” (“Ал-Уқудуд дуррия фи танқиҳил фатово ҳомидия” китоби). Валлоҳу аълам.
ЎМИ Фатво маркази
* * *
Savol: Assalomu alaykum!
— Aqiqa uchun so‘yilgan hayvonning suyagini sindirish mumkinmi? Ba’zilar mumkin desa, boshqalar mumkin emas, deyishyapti. Shu haqida ma’lumot bersangiz.
Javob: Va alaykum assalom!
— Imom Hokim rahimahulloh Oisha roziyallohu anhoning shunday deganlari rivoyat qilgan:
تقطع جدولا و لا يكسر لها عظم“ رواه الحاكم
“(Aqiqaning go‘shti) bo‘laklab (ya’ni bo‘g‘imlaridan) kesiladi, suyagi sindirilmaydi”, deganlar. Hadisning mazmuni “Aqiqaga so‘yilgan jonliqning go‘shti a’zolariga qarab suyaklarni sindirmasdan bo‘laklanadi”, degan ma’noda bo‘ladi. Mana shunday qilish mustahab sanaladi.
Ba’zilar aqiqaga so‘yilgan jonliqning suyaklarini sindirish gunoh bo‘ladi, deb tushunadilar. Go‘shtini a’zolariga qarab suyaklarni sindirmasdan bo‘laklash yuqorida aytilgandek mustahab hisoblanadi. Imkon qila olsa, shunday qilgani afzal. Lekin uni shart deb tushunib olmaslik kerak. Agar sindirish zarurati tug‘ilsa, sindirish joiz.
» وَلَا يُكْسَرُ عَظْمُهَا، وَإِنْ كُسِرَ لَمْ يُكْرَهْ». (كتاب الذبائح)
“Aqiqaga so‘yilgan hayvonning suyagi sindirmaslik afzaldir. Mobodo sindirilsa ham karohiyati yo‘q” (“Al-Uqudud durriya fi tanqihil fatovo homidiya” kitobi). Vallohu a’lam.
O‘MI Fatvo markazi
