Уста Муҳаммадали Юнусов миллий ёғоч ўймакорлиги мактабининг муносиб давомчиси. Унинг ишлари юртимиздаги кўплаб масжид, мақбара ва янги мажмуаларга кўрк бағишлаган. Қўлигул ҳунарманд “Ўзбекистон халқ устаси” унвонига сазовор бўлган.
Фарғона вилояти бош имом-хатиби Убайдуллоҳ домла Абдуллаев “Уста Юсуфжон наққош” оилавий корхонасига ташриф буюриб, устахонада қўл меҳнатига асосланган маҳсулот тайёрлаш жараёни, ҳунармандчилик намуналарини кўздан кечирилди. Корхона музейида бўлиб, уста билан суҳбат қурилди.
Эслатиб ўтамиз, жорий йилнинг 12 май куни куни Давлат раҳбари ҳам мазкур корхонга ташриф буюриб, ота-боболаримиздан мерос ҳунарни асраб-авайлаб, ёш авлодга етказаётгани, ёшларни ишли қилаётгани учун уста Муҳаммадали Юнусовга ташаккур билдирган ҳамда: “Бундай ҳунармандчилик турларини янада оммалаштириш керак. Бу ҳам маданият, ҳам маърифат, ҳам иқтисодиёт”, – дея таъкидлаган эди.
