Бугун, 8 октябрь куни вилоят бош имом-хатиби Убайдуллоҳ домла Абдуллаев Фурқат тумани «Ал-мадинатул мунаввара» масжидига ташриф буюрдилар. Масжидда олиб борилаётган ободончилик ва қурилиш ишлари кўздан кечирилиб, имом-хатиб ва масъулларга зарур тавсиялар берилди.
Тумандаги масжид имом ва ноиблари билан учрашилиб, имом-хатиблар ҳар жиҳатдан намуна бўлишлари, мавжуд имкониятлардан унумли тарзда фойдаланиш, масжидларни ҳам моддий, ҳам маънавий шаклда обод қилиш лозимлиги таъкидланди.
Пешин намозини жамоат билан адо қилиниб, намоз сўнгида «Жамоатнинг фазилати» мавзусида Убайдуллоҳ домла маъруза қилиб бердилар. Жамоатда фазилат, баракот борлиги, ҳамжиҳатлик, аҳиллик жамоат бирдамлигининг асоси экани оят ва ҳадис ҳамда ҳаётий мисоллар асосида баён қилиниб, жамоа аҳлининг ҳаққига дуо қилинди.
