Ўзбекистон мусулмонлари идораси Фарғона вилояти вакиллиги жамоаси узоқ йиллардан буён диний соҳада хизмат қилиб келган Ўзбекистон тумани «Имом Жаъфар» масжиди имом-хатиби Солихон домла Мўнисхоновнинг вафоти муносабати билан марҳумнинг оила аъзолари ва яқинларига чуқур таъзия изҳор этади.
Аллоҳ таоло марҳум домлани Ўз мағфиратига олсин, имонларини саломат қилсин, дин ва ватан равнақи йўлида қилган солиҳ амалларини ўзларига ҳамроҳ этсин. Охиратларини обод этиб, жойларини Фирдавс жаннатларидан қилсин!
Аллоҳ таоло марҳумнинг барча солиҳ амалларини ҳусни қабул айлаб, Ўз мағфиратига олсин, барча саҳву хатоларини кечириб, раҳматига чулғасин, қабрларини жаннат боғчаларидан қилиб, охиратларини обод айласин!
Ҳақ таоло марҳумнинг аҳли оиласи, фарзанду аржумандлари ва яқинларига чиройли сабр бериб, бу мусибатларини яхшиликлар ила тўлдирсин.
Жаноза бугун, 8 октябрь куни аср намозидан сўнг Ўзбекистон тумани «Имом Жаъфар» масжидида ўқилади.
Иннаа лиллааҳи ва иннаа илайҳи рожиъуун.
