Шу йил 30 сентябрь куни Фарғона вилояти бош имом-хатиби Убайдуллоҳ домла Абдуллаев Данғара туманидаги «Саид Аҳмадхон ҳожи» масжидига ташриф буюрди. Пешин намозини адо этилгач, намозхонлар билан учрашиб, дилдан суҳбат қурилди.
Унда ташкилий масала ҳам кўрилди. Шу кунга қадар Данғара тумани «Саид Аҳмадхон ҳожи» масжиди ҳамда туман бош имом-хатиби бўлиб ишлаб келган Салоҳиддин Нуриддинов ўз хоҳишига кўра вазифасидан озод этилди.
Мазкур масжид имом-ноиби вазифасида хизмат қилиб келаётган Ботиров Шавкатжон Муҳаммадамин ўғли Данғара тумани «Саид Аҳмадхон ҳожи» масжиди ҳамда туман бош имом-хатиби этиб тайинланди. Бу ҳақда қабул қилинган буйруқ жамоатга ўқиб эшиттирилди ҳамда Шавкатжон Муҳаммадамин ўғлининг келгусидаги фаолиятига муваффақият тилаб дуо қилинди.
Аввалроқ, Қува туманига бош имом-хатиб тайинлангани ҳақида хабар берилган эди.
