Қува туманига янги бош имом-хатиб тайинланди. Фарғона вилояти бош имом-хатиби Убайдуллоҳ домла Абдуллаев «Абу Ҳанифа» масжидига ташриф буюриб, жамоатни шу мазмундаги буйруқ билан таништирди. Унга кўра, тумандаги «Қўшкечик» масжидида хизмат қилиб келган Муҳаммадзакий Хомидовга Қува тумани «Абу Ҳанифа» масжиди ҳамда туман бош имом-хатиби вазифаси юклатилди.
Шу кунга қадар туман бош имом-хатиби вазифасини бажариб келган Ғанижон Исломов эса, тумандаги «Қўшкечик» масжиди имом-хатиби вазифасига ўтказилди.
Фурсатдан фойдаланиб, ҳар икки домламизга ҳам масъулиятли ва шарафли вазифасида Аллоҳ таолодан куч-қувват сўраймиз.
