Бугун, 8 март куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари пойтахтимиздаги «Минор» жоме масжидида жамоат билан жума намозини адо этдилар.
Жума намози аввалида Муфтий ҳазратлари Рамазон ойи бошланишига саноқли кунлар қолгани, муборак ойга гина-кудуратсиз, ғиллу-ғашсиз, пок қалб ва эзгу ниятлар билан кириб бориш, ғанимат вақтларни унумли ўтказишга барчани даъват этдилар.
Салмон Форсий разияллоҳу анҳу томонларидан ривоят қилинган Моҳи Раҳмон ҳақидаги ҳадиси шарифнинг мазмун моҳиятини шарҳлаб бердилар.
Шайх Нуриддин Холиқназар ҳазратлари бу йил Рамазон ойини юртимизда меҳр-мурувват, хайру саховат мавсумига айлантириш, қутлуғ ойда ҳар бир хонадон, ҳар бир кишининг қалбига хурсандчилик киргизиш, айниқса, саховатли кишилар имкон қадар хайрия ишларини кўпайтириши, эҳтиёжманд оилалар, ҳар бир уйга шодлик, қувонч улашишига чақирдилар.
* * *
Bugun, 8 mart kuni Oʻzbekiston musulmonlari idorasi raisi, muftiy Shayx Nuriddin Xoliqnazar hazratlari poytaxtimizdagi «Minor» jome masjidida jamoat bilan juma namozini ado etdilar.
Juma namozi avvalida Muftiy hazratlari Ramazon oyi boshlanishiga sanoqli kunlar qolgani, muborak oyga gina-kuduratsiz, gʻillu-gʻashsiz, pok qalb va ezgu niyatlar bilan kirib borish, gʻanimat vaqtlarni unumli oʻtkazishga barchani da’vat etdilar.
Salmon Forsiy raziyallohu anhu tomonlaridan rivoyat qilingan Mohi Rahmon haqidagi hadisi sharifning mazmun mohiyatini sharhlab berdilar.
Shayx Nuriddin Xoliqnazar hazratlari bu yil Ramazon oyini yurtimizda mehr-muruvvat, xayru saxovat mavsumiga aylantirish, qutlugʻ oyda har bir xonadon, har bir kishining qalbiga xursandchilik kirgizish, ayniqsa, saxovatli kishilar imkon qadar xayriya ishlarini koʻpaytirishi, ehtiyojmand oilalar, har bir uyga shodlik, quvonch ulashishiga chaqirdilar.
