Маккаи мукаррамада бу йилги Ҳаж мавсуми учун тайёргарлик жараёни авжида.
Ана шу жараёнлардан бири Каъбатуллоҳ ёпинчиғи кисванинг пастки қисми оқ пахта мато билан ўралиб, уч метр юқорига тортиб қўйилганидир. Бунинг сабаби кўпчиликни қизиқтириши табиий. Сабаби оддий – кисвани асраш бўлиб, ҳаж қилиш учун ташриф буюрган миллионлаб зиёратчилар тавоф мобайнида ёпинчиқни ифлослантирмасликлари мақсад қилинган. Маҳаллий ҳокимият вакилларининг айтишича, баъзи одамлар ҳаттоки ёпинчиқдан парчалар ҳам кесиб оладилар ва ўзлари билан олиб кетадилар. Ундан эса тумор сифатида фойдаланишади. Бу эса ҳар қандай ҳолатда ҳам мумкин эмас. Кисва ўзининг доимий ҳолатига ҳаж амаллари тугаганидан сўнг яна қайтарилади.
Хуршида Абдуллаева │ziyo.uz
