Бугун барча масжидларда навбатдаги қабул жараёнлари ўтказилди. Унда фуқаролар диний-маърифий, ижтимоий-иқтисодий ва оилавий масалалардаги мурожаатлари билан имом домлалар ҳузурига ташриф қилишди. Қабул асносида келган ҳар бир фуқароларнинг масалалари атрофлича ўрганилиб, ҳал этиш чоралари кўрилди.
Қабул жараёнларида жами 350 га яқин, шундан 220 та диний, 24 та ижтимоий, 30 дан ортиқ иқтисодий ва 65 та оилавий масалада мурожаат келиб тушган. Жумладан, вилоят бош имом-хатиби Убайдуллоҳ домла Абдуллаев қабулига Фарғона ва Бешариқ тумани ҳамда Қувасой шаҳридан ташриф буюрган мурожаатчилар мавжуд муаммо ҳамда оилавий ва ижтимоий масалаларига жавоб олдилар. Бундан ташқари жойларда имом-хатиблар қабулига келган фуқароларнинг оилавий, оилавий, диний масалаларга оид муаммолари ҳал этилди. Шунингдек, моддий кўмак истаб келган уч нафар фуқарога ҳомийлар иштирокида ёрдам кўрсатилди.
***
Bugun barcha masjidlarda navbatdagi qabul jarayonlari o‘tkazildi. Unda fuqarolar diniy-ma’rifiy, ijtimoiy-iqtisodiy va oilaviy masalalardagi murojaatlari bilan imom domlalar huzuriga tashrif qilishdi. Qabul asnosida kelgan har bir fuqarolarning masalalari atroflicha o‘rganilib, hal etish choralari ko‘rildi.
Qabul jarayonlarida jami 350 ga yaqin, shundan 220 ta diniy, 24 ta ijtimoiy, 30 dan ortiq iqtisodiy va 65 ta oilaviy masalada murojaat kelib tushgan. Jumladan, viloyat bosh imom-xatibi Ubaydulloh domla Abdullayev qabuliga Farg‘ona va Beshariq tumani hamda Quvasoy shahridan tashrif buyurgan murojaatchilar mavjud muammo hamda oilaviy va ijtimoiy masalalariga javob oldilar. Bundan tashqari joylarda imom-xatiblar qabuliga kelgan fuqarolarning oilaviy, oilaviy, diniy masalalarga oid muammolari hal etildi. Shuningdek, moddiy ko‘mak istab kelgan uch nafar fuqaroga homiylar ishtirokida yordam ko‘rsatildi.
