Саудия Арабистонидаги муқаддас Макка ва Мадина шаҳарларига ташриф буюраётган фарғоналик зиёратчилар сафари барча ташкилий чора-тадбирлар асосида муваффақиятли давом этмоқда.
Айни пайтда Фарғона вилоятидан юборилган зиёратчиларнинг дастлабки гуруҳи Мадинаи Мунавварада зиёрот ишларини амалга ошириб, Пайғамбаримиз Муҳаммад Мустафо соллаллоҳу алайҳи васалламнинг муборак равзалари ва масжидларини зиёрат этдилар. Шундан сўнг, улар Маккаи Мукаррамага йўл олиб, умра амалларини сидқидилдан адо этдилар.
Зиёрат чоғида зиёратчилар учун барча шарт-шароитлар яратиб берилган, таомлар, жойлаштириш ва тиббий хизматлар режа асосида ташкил этилган. Зиёратчиларнинг айтишича, амалларни адо этиш жараёнида улкан руҳий таассуротларга эга бўлганлар, дуо ва ибодатлар билан чуқур маънавий ҳолатни ҳис қилганлар.
Қолган гуруҳлар ҳам белгиланган жадвал асосида Саудия Арабистонига жўнаб кетмоқда. Фарғоналик зиёратчиларнинг бу йилги сафарлари юқори даражада ташкил этилиши, уларнинг маънавий эҳтиёжларини қондириш ва тинч-осойишта амалларни бажаришлари учун барча зарур шароитлар яратилгани алоҳида эътироф этилмоқда.
***
Saudiya Arabistonidagi muqaddas Makka va Madina shaharlariga tashrif buyurayotgan farg‘onalik ziyoratchilar safari barcha tashkiliy chora-tadbirlar asosida muvaffaqiyatli davom etmoqda.
Ayni paytda Farg‘ona viloyatidan yuborilgan ziyoratchilarning dastlabki guruhi Madinai Munavvarada ziyorot ishlarini amalga oshirib, Payg‘ambarimiz Muhammad Mustafo sollallohu alayhi vasallamning muborak ravzalari va masjidlarini ziyorat etdilar. Shundan so‘ng, ular Makkai Mukarramaga yo‘l olib, umra amallarini sidqidildan ado etdilar.
Ziyorat chog‘ida ziyoratchilar uchun barcha shart-sharoitlar yaratib berilgan, taomlar, joylashtirish va tibbiy xizmatlar reja asosida tashkil etilgan. Ziyoratchilarning aytishicha, amallarni ado etish jarayonida ulkan ruhiy taassurotlarga ega bo‘lganlar, duo va ibodatlar bilan chuqur ma’naviy holatni his qilganlar.
Qolgan guruhlar ham belgilangan jadval asosida Saudiya Arabistoniga jo‘nab ketmoqda. Farg‘onalik ziyoratchilarning bu yilgi safarlari yuqori darajada tashkil etilishi, ularning ma’naviy ehtiyojlarini qondirish va tinch-osoyishta amallarni bajarishlari uchun barcha zarur sharoitlar yaratilgani alohida e’tirof etilmoqda.
