Бир ой муқаддам 1600 нафарга яқин зиёратчи тажрибали гуруҳ раҳбарлари, малакали шифокорлар ва ишчи гуруҳ ҳамроҳлигида Ҳаж амалларини адо этиш учун Саудия Арабистонига жўнаб кетган эди.
Муқаддас ибодатни адо этган Фарғона вилояти ҳожиларининг дастлабки гуруҳи тинч ва соғ-саломат равишда ватанга қайтдилар. Улар Фарғона халқаро аэропортида тантанали равишда кутиб олинди.
Муқаддас Макка ва Мадина шаҳрида бўлиб, Ислом динининг буюк рукнларидан бири бўлган Ҳаж ибодатини адо этдилар. Улар сафар давомида юртимиз номидан тинчлик ва фаровонлик тилакларини билдириб дуо қилдилар.
Қайд этилишича, ҳожиларнинг кейинги гуруҳларининг ҳам юртга қайтиб келишлари белгиланган тартиб асосида давом этади.
***
Bir oy muqaddam 1600 nafarga yaqin ziyoratchi tajribali guruh rahbarlari, malakali shifokorlar va ishchi guruh hamrohligida Haj amallarini ado etish uchun Saudiya Arabistoniga jo‘nab ketgan edi.
Muqaddas ibodatni ado etgan Farg‘ona viloyati hojilarining dastlabki guruhi tinch va sog‘-salomat ravishda vatanga qaytdilar. Ular Farg‘ona xalqaro aeroportida tantanali ravishda kutib olindi.
Muqaddas Makka va Madina shahrida bo‘lib, Islom dinining buyuk ruknlaridan biri bo‘lgan Haj ibodatini ado etdilar. Ular safar davomida yurtimiz nomidan tinchlik va farovonlik tilaklarini bildirib duo qildilar.
Qayd etilishicha, hojilarning keyingi guruhlarining ham yurtga qaytib kelishlari belgilangan tartib asosida davom etadi.
