Диний-маърифий соҳада амалга оширилаётган ислоҳотлар, аҳолининг эътиқоди ва маънавиятини юксалтириш, масжидларни замонавий ва муносиб ҳолга келтириш орқали янги босқичга кўтарилмоқда. Бешариқ туманидаги “Телов” масжидининг қайта бунёд этилиши ҳам ана шу эзгу мақсадлар самарасидир.
“Телов” қишлоғида жойлашган “Телов” масжиди замонавий архитектура талабларига тўла жавоб берадиган ҳолда қайта қурилиб, фойдаланишга топширилди. Масжиднинг янги биноси ўзининг кенг ва шинам дизайни, замонавий муҳандислик ечимлари билан ажралиб туради. Масжидда иситиш ва совутиш тизимлари, кенг ва тоза таҳоратхона, маъмурий хоналар учун алоҳида бино ва ибодатга келувчилар учун автотураргоҳ ташкил этилган. Барча қулайликлар эътиборга олинган ҳолда қурилган ушбу маскан мўмин-мусулмонлар учун маънавий тарбия ва ибодат марказига айланажак.
Аллоҳ таоло бу гўзал масжидни узоқ йиллар давомида халқимизнинг маънавий-маърифий ҳаётнинг тараққиёти йўлида хизмат қилишини насиб қилсин!
Фарғона вилояти вакиллиги Матбуот хизмати
***
Diniy-ma’rifiy sohada amalga oshirilayotgan islohotlar, aholining e’tiqodi va ma’naviyatini yuksaltirish, masjidlarni zamonaviy va munosib holga keltirish orqali yangi bosqichga ko‘tarilmoqda. Beshariq tumanidagi “Telov” masjidining qayta bunyod etilishi ham ana shu ezgu maqsadlar samarasidir.
“Telov” qishlog‘ida joylashgan “Telov” masjidi zamonaviy arxitektura talablariga to‘la javob beradigan holda qayta qurilib, foydalanishga topshirildi. Masjidning yangi binosi o‘zining keng va shinam dizayni, zamonaviy muhandislik yechimlari bilan ajralib turadi. Masjidda isitish va sovutish tizimlari, keng va toza tahoratxona, ma’muriy xonalar uchun alohida bino va ibodatga keluvchilar uchun avtoturargoh tashkil etilgan. Barcha qulayliklar e’tiborga olingan holda qurilgan ushbu maskan mo‘min-musulmonlar uchun ma’naviy tarbiya va ibodat markaziga aylanajak.
Alloh taolo bu go‘zal masjidni uzoq yillar davomida xalqimizning ma’naviy-ma’rifiy hayotning taraqqiyoti yo‘lida xizmat qilishini nasib qilsin!
Farg‘ona viloyati vakilligi Matbuot xizmati
