Давлатимиз томонидан экологик вазиятни барқарорлаштиришга қаратилган кенг қамровли чора-тадбирлар қабул қилинди.
Жумладан, Тошкент шаҳар ҳокимлиги Тошкент шаҳри ҳудудида атмосфера ҳавосининг сифатига ижобий таъсир кўрсатадиган микроиқлим барқарорлигини таъминлаш мақсадида Сув хўжалиги вазирлиги ва “Ўзсувтаъминот” АЖ билан биргаликда уч ой муддатда пойтахтнинг 4 та йўналишида (шарқ, ғарб, шимол ва жануб қисмларига) камида 3 тадан сунъий кўл ва сув ҳавзаларини ташкил этиши белгиланди.
Шу ўринда, Президентимизнинг «Тошкент шаҳрида экологик вазиятни яхшилаш бўйича кечиктириб бўлмайдиган чора-тадбирлар тўғрисида»ги Фармонидаги ушбу ташаббус пойтахтимизга янгича гўзаллик қўшиши баробарида ҳаво ифлосланишига қарши курашишда ҳам муҳим аҳамият касб этади.
Ўзбекистон мусулмонлари идораси Матбуот хизмати
***
Davlatimiz tomonidan ekologik vaziyatni barqarorlashtirishga qaratilgan keng qamrovli chora-tadbirlar qabul qilindi.
Jumladan, Toshkent shahar hokimligi Toshkent shahri hududida atmosfera havosining sifatiga ijobiy ta’sir ko‘rsatadigan mikroiqlim barqarorligini ta’minlash maqsadida Suv xo‘jaligi vazirligi va “O‘zsuvta’minot” AJ bilan birgalikda uch oy muddatda poytaxtning 4 ta yo‘nalishida (sharq, g‘arb, shimol va janub qismlariga) kamida 3 tadan sun’iy ko‘l va suv havzalarini tashkil etishi belgilandi.
Shu o‘rinda, Prezidentimizning «Toshkent shahrida ekologik vaziyatni yaxshilash bo‘yicha kechiktirib bo‘lmaydigan chora-tadbirlar to‘g‘risida»gi Farmonidagi ushbu tashabbus poytaxtimizga yangicha go‘zallik qo‘shishi barobarida havo ifloslanishiga qarshi kurashishda ham muhim ahamiyat kasb etadi.
O‘zbekiston musulmonlari idorasi Matbuot xizmati
