Бисмиллаҳир Роҳманир Роҳийм
Сут айниса қаймоққа айланади. Қаймоқнинг қиймати сутдан баланд.
Қаймоқ ачиса пишлоқ бўлади. Пишлоқнинг қиймати эса, қаймоқдан ҳам юқори.
Узумнинг шарбати ачиса набийзга айланади. Набийз узумнинг шарбатидан қиммат туради.
Сиз хато қилганингиз сабабли ёмон одам бўлиб қолмайсиз. Аксинча, хатолар сизни шахс сифатида қийматингиз ортишига олиб борувчи тажрибалардир.
Христофор Колумбнинг денгизда йўналишни танлашда хатога йўл қўйиши Американи кашф этилишига сабаб бўлди.
Александр Флемингнинг хатоси эса, тиббиётда энг муҳим антибиотик восита саналмиш пенициллинни кашф бўлишига олиб келди.
Иш давомида йўл қўйган хатоларингиз сизни ноумидлик ва тушкунликка солмасин. Фақатгина урунишнинг ўзигина муваффақиятларга эриштирмайди, балки урунишлар асносида йўл қўйилган хатолардан кўплаб тажриба ҳосил бўлади.
Бас, хато қилишдан ҳеч қачон қўрқманг. Сизни катта ишлар кутмоқда, олға қадам ташлашда давом этинг.
Ҳомиджон домла ИШМАТБЕКОВ
***
Bismillahir Rohmanir Rohiym
Sut aynisa qaymoqqa aylanadi. Qaymoqning qiymati sutdan baland.
Qaymoq achisa pishloq bo‘ladi. Pishloqning qiymati esa, qaymoqdan ham yuqori.
Uzumning sharbati achisa nabiyzga aylanadi. Nabiyz uzumning sharbatidan qimmat turadi.
Siz xato qilganingiz sababli yomon odam bo‘lib qolmaysiz. Aksincha, xatolar sizni shaxs sifatida qiymatingiz ortishiga olib boruvchi tajribalardir.
Xristofor Kolumbning dengizda yo‘nalishni tanlashda xatoga yo‘l qo‘yishi Amerikani kashf etilishiga sabab bo‘ldi.
Aleksandr Flemingning xatosi esa, tibbiyotda eng muhim antibiotik vosita sanalmish penitsillinni kashf bo‘lishiga olib keldi.
Ish davomida yo‘l qo‘ygan xatolaringiz sizni noumidlik va tushkunlikka solmasin. Faqatgina urunishning o‘zigina muvaffaqiyatlarga erishtirmaydi, balki urunishlar asnosida yo‘l qo‘yilgan xatolardan ko‘plab tajriba hosil bo‘ladi.
Bas, xato qilishdan hech qachon qo‘rqmang. Sizni katta ishlar kutmoqda, olg‘a qadam tashlashda davom eting.
Homidjon domla ISHMATBЕKOV
