Баъзи олимлар шундай деганлар: Агар сен ўзингнинг дунё аҳли ёки охират аҳли эканлигингни билишни истасанг, сен учун нима бахт ва роҳат олиб келишини кўриб чиқ: беришми ёки олишми?
Агар сени бахтли қиладиган нарса бериш бўлса, демак сен охират аҳли экансан. Аммо агар сени бахтли қиладиган нарса олиш бўлса, демак сен дунё аҳли экансан. Шу сабабли садақа шу ерда ўз эгасининг имонидаги самимият ва ростликни исботлайди. Ҳадисда айтилганидек: “Садақа далилдир”. Яъни, Аллоҳ таолога бўлган севгининг далили ва исботи бўлади.
Закот беришда икки касаллик даволанади: Закот берувчидан бахиллик, закот олувчидан эса гина ва адоват кетади.
Молу давлат закот бериш натижасида ундаги нопокликлардан покланади. Қуруқликда ёки денгизда бўладиган мол-давлат фақат закотни беришни таъқиқлаш туфайли йўқ бўлади.
Закотнинг маъноси кўпайишни билдиради. Закот берадиган одам ўзининг аҳамиятини ҳис қилади: У мўминларнинг яраларини даволаганини, умидсизликдан юзидаги ёшларни артганини ҳис қилади ва жамиятдаги муҳим инсон эканлигини тушунади. У жамиятдаги эҳсон манбаи, жамиятдаги муаммоларни ҳал қилиш манбаи ва жамиятда юз берадиган умидсизликларни бартараф этиш манбаи бўлиб қолади.
Шунинг учун биз эҳсон аҳлидан бўлишга ҳаракат қилишимиз керак, зеро эҳсоннинг мукофоти фақат эҳсондир.
Хуршид Абдураҳимов
Сўх тумани «Қози Неъматуллоҳ» масжиди имом хатиби
***
Ba’zi olimlar shunday deganlar: Agar sen o‘zingning dunyo ahli yoki oxirat ahli ekanligingni bilishni istasang, sen uchun nima baxt va rohat olib kelishini ko‘rib chiq: berishmi yoki olishmi?
Agar seni baxtli qiladigan narsa berish bo‘lsa, demak sen oxirat ahli ekansan. Ammo agar seni baxtli qiladigan narsa olish bo‘lsa, demak sen dunyo ahli ekansan. Shu sababli sadaqa shu yerda o‘z egasining imonidagi samimiyat va rostlikni isbotlaydi. Hadisda aytilganidek: “Sadaqa dalildir”. Ya’ni, Alloh taologa bo‘lgan sevgining dalili va isboti bo‘ladi.
Zakot berishda ikki kasallik davolanadi: Zakot beruvchidan baxillik, zakot oluvchidan esa gina va adovat ketadi.
Molu davlat zakot berish natijasida undagi nopokliklardan poklanadi. Quruqlikda yoki dengizda bo‘ladigan mol-davlat faqat zakotni berishni ta’qiqlash tufayli yo‘q bo‘ladi.
Zakotning ma’nosi ko‘payishni bildiradi. Zakot beradigan odam o‘zining ahamiyatini his qiladi: U mo‘minlarning yaralarini davolaganini, umidsizlikdan yuzidagi yoshlarni artganini his qiladi va jamiyatdagi muhim inson ekanligini tushunadi. U jamiyatdagi ehson manbai, jamiyatdagi muammolarni hal qilish manbai va jamiyatda yuz beradigan umidsizliklarni bartaraf etish manbai bo‘lib qoladi.
Shuning uchun biz ehson ahlidan bo‘lishga harakat qilishimiz kerak, zero ehsonning mukofoti faqat ehsondir.
Xurshid Abdurahimov
So‘x tumani «Qozi Ne’matulloh» masjidi imom xatibi
