Бисмиллаҳир Роҳманир Роҳийм
Жобир ибн Абдуллоҳ розияллоҳу анҳу Расулуллоҳ соллаллоҳу алайҳи васалламдан ривоят қилади: “Эй одамлар, Аллоҳга тақво қилинглар ва (ризқни) чиройли суратда талаб қилинглар! Зеро, бирон нафс токи ризқини тўла олмагунича ўлмайди. Агар у (ризқ) кечикса, бас, Аллоҳга тақво қилинглар ва уни гўзал тарзда талаб қилинглар, ҳалолни олиб, ҳаромни тарк этинглар!”, дедилар (Ибн Можа ривояти).
Ризқ борасида кўп ўйлаш билан ўзингни машғул қилма. Ажал белгиланганидек, ризқ ҳам белгилаб қўйилган. Чунки Аллоҳ таоло барча халқларини, мўминларини ҳам, кофирларини ҳам, инсларини ҳам, жинларини ҳам, барча махлуқотларини ҳеч бир истисносиз ризқларини кафолатлаб қўйгандир.
Расулуллоҳ соллаллоҳу алайҳи васаллам: “Албатта ризқ бандани ажалидан ҳам кўпроқ қидиради”, дедилар (Имом Табароний ривояти).
Албатта Аллоҳ таоло ризқларни тезлаштиради, кечиктиради, кенг қилади, тор қилади. Ҳикматини Аллоҳ билувчироқдир. “Аллоҳ биладир, сиз эса билмассиз” (Бақара сураси, 216-оят).
***
Bismillahir Rohmanir Rohiym
Jobir ibn Abdulloh roziyallohu anhu Rasululloh sollallohu alayhi vasallamdan rivoyat qiladi: “Ey odamlar, Allohga taqvo qilinglar va (rizqni) chiroyli suratda talab qilinglar! Zero, biron nafs toki rizqini to‘la olmagunicha o‘lmaydi. Agar u (rizq) kechiksa, bas, Allohga taqvo qilinglar va uni go‘zal tarzda talab qilinglar, halolni olib, haromni tark etinglar!”, dedilar (Ibn Moja rivoyati).
Rizq borasida ko‘p o‘ylash bilan o‘zingni mashg‘ul qilma. Ajal belgilanganidek, rizq ham belgilab qo‘yilgan. Chunki Alloh taolo barcha xalqlarini, mo‘minlarini ham, kofirlarini ham, inslarini ham, jinlarini ham, barcha maxluqotlarini hech bir istisnosiz rizqlarini kafolatlab qo‘ygandir.
Rasululloh sollallohu alayhi vasallam: “Albatta rizq bandani ajalidan ham ko‘proq qidiradi”, dedilar (Imom Tabaroniy rivoyati).
Albatta Alloh taolo rizqlarni tezlashtiradi, kechiktiradi, keng qiladi, tor qiladi. Hikmatini Alloh biluvchiroqdir. “Alloh biladir, siz esa bilmassiz” (Baqara surasi, 216-oyat).
