Ҳомиладор аёл турмуш ўртоғидан:
— Ўғил кутяпсизми ёки кизми? — деб сўради. Эр:
— Агар ўғил бўлса, мен унга математикани ўргатаман, биргаликда спорт билан шуғулланамиз, балиқ овига борамиз, — деди. Аёл:
— Қиз бўлса-чи?! — деб сўради. Эр:
— Агар қиз бўлса, унга ҳеч нарса ўргатишим шарт эмас. Чунки унинг ўзи менга ҳамма нарсани ўргатади: қандай кийинишни, қандай овқатланишни, нима дейишни ва нима демасликни. Хуллас, у менинг иккинчи онам бўлади! Мени ўз қаҳрамони деб билади. Ҳатто ниманидир рад этсам ҳам, доимо у мени тўғри тушунади. Оила қургач, қизим турмуш ўртоғини мен билан солиштиради. У неча ёшда бўлишидан қатъий назар, ҳар доим менинг яхши муомала қилишимни хоҳлайди. У мен учун қайғуради. Агар кимдир мени хафа қилса, уни ҳеч қачон кечирмайди…
— Демак, қизингиз ҳаммасини эплайди, лекин ўғлингиз қилмайди. Шундайми?!
— Йўқ! Эҳтимол, у ҳам шундай қилар, лекин ўғлим аввал буларни қилишни ўрганади. Аммо қизлар бунга лаёқатли ҳолда туғилади. Қиз боланинг отаси бўлиш ҳар қандай эркак учун фахрдир!
— Аммо у биз билан доим бирга бўлмайдику, — деди аёли.
Ҳа, лекин биз унинг дуоларида ва қалбида бўламиз. Шунинг учун қизимнинг қаерда бўлиши муҳим эмас.
Рус тилидан Акбаршоҳ Расулов таржимаси
***
Homilador ayol turmush o‘rtog‘idan:
— O‘g‘il kutyapsizmi yoki kizmi? — deb so‘radi. Er:
— Agar o‘g‘il bo‘lsa, men unga matematikani o‘rgataman, birgalikda sport bilan shug‘ullanamiz, baliq oviga boramiz, — dedi. Ayol:
— Qiz bo‘lsa-chi?! — deb so‘radi. Er:
— Agar qiz bo‘lsa, unga hech narsa o‘rgatishim shart emas. Chunki uning o‘zi menga hamma narsani o‘rgatadi: qanday kiyinishni, qanday ovqatlanishni, nima deyishni va nima demaslikni. Xullas, u mening ikkinchi onam bo‘ladi! Meni o‘z qahramoni deb biladi. Hatto nimanidir rad etsam ham, doimo u meni to‘g‘ri tushunadi. Oila qurgach, qizim turmush o‘rtog‘ini men bilan solishtiradi. U necha yoshda bo‘lishidan qat’iy nazar, har doim mening yaxshi muomala qilishimni xohlaydi. U men uchun qayg‘uradi. Agar kimdir meni xafa qilsa, uni hech qachon kechirmaydi…
— Demak, qizingiz hammasini eplaydi, lekin o‘g‘lingiz qilmaydi. Shundaymi?!
— Yo‘q! Ehtimol, u ham shunday qilar, lekin o‘g‘lim avval bularni qilishni o‘rganadi. Ammo qizlar bunga layoqatli holda tug‘iladi. Qiz bolaning otasi bo‘lish har qanday erkak uchun faxrdir!
— Ammo u biz bilan doim birga bo‘lmaydiku, — dedi ayoli.
Ha, lekin biz uning duolarida va qalbida bo‘lamiz. Shuning uchun qizimning qayerda bo‘lishi muhim emas.
Rus tilidan Akbarshoh Rasulov tarjimasi
