Дарҳақиқат, инсон устидаги либос инсоннинг зийнати ҳисобланади. Ҳаммамизга маълумки, бутун дунёда ҳар ҳил миллат ва элатлар яшаб келаётган даврда ҳар бир миллатнинг ўз кийими ва урф одатлари борлиги айни ҳақиқатдир. Жумладан бизни мутақил ватанимизнинг ҳам ўзига хос миллий ва урф одатларимизга мос кийимлари мавжуд. Шариатимизга кўра кийим кийиш уч турли бўлишлиги эътироф этилгандир.
1. Аврат учундир.
2. Зийнат учундир.
3.Тақво учундир .
Кийиниш маданиятига эътибор бериш ва миллий қадриятларимизга ҳурмат эҳтиром кўрсатган ҳолда кийим кийиш мақсадга мувофиқ ҳисобланади.Аёллар ўртасида кенг тарқалиб бораётган қора ва қизил рангдаги ҳамма жойини ёпиб фақат кўзини ўзини очиб олишлари ва шу каби либосларни кийиб инсонларни эътиборини жалб қиладиган даражада бўлишлиги яхши эмасдир. Ҳар бир мусулмон киши кийим яъни либос кийишда ҳаддидан ошмасдан мўътадил ҳолда авратини ёпиб турадиган даражада кийнишлари динимиз талабидир.Сиз билан бизнинг кийган либосимиз бизни кимлигимизни ва ўтган аждодларимиз ва ота оналаримизни сиймосини англатади шуни эсимиздан чиқармаслигимиз зарур. Зеро, Пайғамбаримиз соллаллоҳу алайҳи васаллам ҳеч қачон кийим кийишликда ҳаддидан ошмаганлар ва ҳар қандай кийимни кийиб юрганлар ва кийимга қараб инсонларни ажратмаганлар. Бундан маълум бўладики, биз мўмин мусулмон инсонлар доимо кийинишимизда ва юриш туришимизда мўътадил ҳолда ва ҳаддан зиёд исрофга йўл қўймаслигимиз шариатимиз кўрсатмаларидан ҳисобланади. Аллоҳ таоло ўзи барчаларимизни ўзининг ҳидоят ва ибодат йўлидан адаштирмасин илохим амин !
Фарғона вилояти Бувайда тумани
«Бандикушод» масжиди имом хатиби Рахматали Ғойибназаров
