Ибн Умар розияллоҳу анҳумодан ривоят қилинади. Расулуллоҳ соллаллоҳу алайҳи ва саллам: «Агар одамлар ёлғизликда нималар борлигини мен билганчалик билганларида эди, бирорта ҳам отлиқ тунда ёлғиз юрмасди», дедилар (Имом Бухорий ривояти).
Расулуллоҳ соллаллоҳу алайҳи ва саллам кечаси беҳуда ёлғиз юришдан қайтарганлар. Чунки бунинг бир қанча зарарлари бор.
Бугунги кунда айрим ёшлар кечаси билан кўчаларда, кафе-бар, турли клубларда санғиб юришлари, тонгга қадар вақтларини беҳуда ўтказиши кузатилмоқда. Бунинг оқибатида эса нохушликлар, жиноятлар содир бўлмоқда. Қолаверса, бемаҳалда санғиб руҳий касалликларга дучор бўлаётганлар ҳам йўқ эмас.
Шунингдек, тунни бедор ўтказиш инсон саломатлиги учун жиддий зарар. Бу Буюк Британия олимлари тақдиқоти натижасида маълум бўлди. Улар 90 мингта якин кўнгиллилар билан олти йил давомида тажриба ўтказишди. Аникланишича, кечки соат 22:00 дан 23:00 гача бўлган вақт оралиғида уйқуга ётиш юрак-қон томир касалликлари хавфини сезиларли даражада камайтирар экан. Кам ухлаш эса инсоннинг, аввало, руҳиятига ва юрагига салбий тасир қилиши маълум бўлди. Бунинг ортидан сурункали касалликлар келиб чиқиши аниқланди.
Демак, шариат кўрсатмасига амал қилсак, нохуш ва зарарли ҳолатлардан узоқ бўлиб, соғлигимизни сақлаган бўламиз.
Даврон НУРМУХАММАД
***
Ibn Umar roziyallohu anhumodan rivoyat qilinadi. Rasululloh sollallohu alayhi va sallam: «Аgar odamlar yolgʼizlikda nimalar borligini men bilganchalik bilganlarida edi, birorta ham otliq tunda yolgʼiz yurmasdi», dedilar (Imom Buxoriy rivoyati).
Rasululloh sollallohu alayhi va sallam kechasi behuda yolgʼiz yurishdan qaytarganlar. Chunki buning bir qancha zararlari bor.
Bugungi kunda ayrim yoshlar kechasi bilan koʼchalarda, kafe-bar, turli klublarda sang’ib yurishlari, tongga qadar vaqtlarini behuda oʼtkazishi kuzatilmoqda. Buning oqibatida esa noxushliklar, jinoyatlar sodir boʼlmoqda. Qolaversa, bemahalda sangʼib ruhiy kasalliklarga duchor boʼlayotganlar ham yoʼq emas.
Shuningdek, tunni bedor oʼtkazish inson salomatligi uchun jiddiy zarar. Bu Buyuk Britaniya olimlari taqdiqoti natijasida maʼlum boʼldi. Ular 90 mingta yakin koʼngillilar bilan olti yil davomida tajriba oʼtkazishdi. Аniklanishicha, kechki soat 22:00 dan 23:00 gacha boʼlgan vaqt oraligʼida uyquga yotish yurak-qon tomir kasalliklari xavfini sezilarli darajada kamaytirar ekan. Kam uxlash esa insonning, avvalo, ruhiyatiga va yuragiga salbiy tasir qilishi maʼlum boʼldi. Buning ortidan surunkali kasalliklar kelib chiqishi aniqlandi.
Demak, shariat koʼrsatmasiga amal qilsak, noxush va zararli holatlardan uzoq boʼlib, sogʼligimizni saqlagan boʼlamiz.
Davron NURMUXАMMАD
