Аббос ибн Абдулмуттолиб Пайғамбаримиз соллаллоҳу алайҳи вассаллам ҳузурларига келиб: «Ё Расулуллоҳ! Аллоҳдан нимани сўрай? Бунинг илмини менга ўргатинг», дедилар. Пайғамбаримиз соллаллоҳу алайҳи вассаллам: «Аллоҳдан офият (тинчлик, саломатлик)ни сўранг» дедилар.
Орадан бир неча кун ўтди. Улар яна кўришдилар. Аббос ибн Абдулмуттолиб Пайғамбаримиздан яна шу саволни сўрадилар «Ё Расулуллоҳ! Аллоҳдан яна нимани сўрай?» дедилар. Пайғамбаримиз соллаллоҳу алайҳи вассалам: «Эй Аббос, Расулуллоҳнинг амакилари! Аллоҳдан дунё ва охират офиятини сўранг», дедилар.
Пайғамбаримиз соллаллоҳу алайҳи вассаллам ўз амакиларига такрор ва такрор офиятни сўрашни буюрган эканлар. Бу жуда катта улуғ сўраладиган, шукр қиладиган, қадрлайдиган неъмат экан-да. Меҳрибон Роббимиз юртимизни доим офиятда сақласин! Бу неъмат то қиёматчага бардавом бўлсин!
Давронбек Норматов,
Ўзбекистон тумани «Абу Мусо Ашъарий» масжиди имом-хатиби
