Савол: Ассалому алайкум!
— Тик турган ва юрган ҳолатда Қуръон ўқиш мумкинми?
Жавоб: Ва алайкум ассалом!
— Бисмиллаҳир Роҳманир Роҳийм. Тик турган ҳолда Қуръони каримни ўқишнинг зарари йўқ. Юриб кетаётган киши бошқа нарсага чалғимай, Қуръони каримга аҳамият бера олса, юриш асносида ўқишнинг зарари йўқ. Бу ҳақда “Ҳошиятут Таҳтовий” китобида қуйидаги маълумотлар берилган: “Юрган ва ишлаб турган кишини қилаётган иши ё юриши Қуръондан чалғитмаса, шу ҳолда тиловат қилиш жоиз, акс ҳолда жоиз эмас. Уламолар ёнбошлаб Қуръон ўқиш ҳақида турли гаплар айтишган бўлиб, афзали Қуръонни улуғлашга мос шаклда ўқишдир. Бошқа китобларни ёнбошлаб ўқишнинг гуноҳи йўқ. Мусҳафга қараб қироат қилиш ёддан ўқишдан кўра афзалроқдир. Чунки мусҳафга қараб ўқишда икки ибодат (Мусҳафга назар қилиш ва уни тиловат қилиш)ни жамлаётган бўлади”. Валлоҳу аълам.
Ўзбекистон мусулмонлари идораси
Фатво маркази
***
Savol: Assalomu alaykum!
— Tik turgan va yurgan holatda Qur’on o‘qish mumkinmi?
Javob: Va alaykum assalom!
— Bismillahir Rohmanir Rohiym. Tik turgan holda Qur’oni karimni o‘qishning zarari yo‘q. Yurib ketayotgan kishi boshqa narsaga chalg‘imay, Qur’oni karimga ahamiyat bera olsa, yurish asnosida o‘qishning zarari yo‘q. Bu haqda “Hoshiyatut Tahtoviy” kitobida quyidagi ma’lumotlar berilgan: “Yurgan va ishlab turgan kishini qilayotgan ishi yo yurishi Qur’ondan chalg‘itmasa, shu holda tilovat qilish joiz, aks holda joiz emas. Ulamolar yonboshlab Qur’on o‘qish haqida turli gaplar aytishgan bo‘lib, afzali Qur’onni ulug‘lashga mos shaklda o‘qishdir. Boshqa kitoblarni yonboshlab o‘qishning gunohi yo‘q. Mus’hafga qarab qiroat qilish yoddan o‘qishdan ko‘ra afzalroqdir. Chunki mus’hafga qarab o‘qishda ikki ibodat (Mus’hafga nazar qilish va uni tilovat qilish)ni jamlayotgan bo‘ladi”. Vallohu a’lam.
O‘zbekiston musulmonlari idorasi
Fatvo markazi
