Савол: Ассалому алайкум!
— Машиналарга турли дуолар ёки зиёратгоҳлардан олинган буюмларни илиб қўйиш мумкинми?
Жавоб: Ва алайкум ассалом!
— Машинага эслатма бўладиган турли дуолар ва безак сифатида баъзи нарсаларни осиб қўйишнинг зарари йўқ. Бундан ман қиладиган далиллар йўқ.
Лекин турли иримларга ишониб, илинган нарсани ўзи ҳар-хил бало қазолардан асрайди деб, ҳайвонларнинг тирноқларию бошқа аъзолари ва шу каби нарсаларни осиш жоиз эмас. Бу иш Аллоҳ таолодан бошқаларга сиғинишнинг бир кўриниши бўлиб, ботил эътиқод натижасидир. Аллоҳ таологагина сиғиниш, ундан паноҳ исташ ва унга таваккал қилиш динимизнинг шиоридир. Валлоҳу аълам.
ЎМИ Фатво ҳайъати
