Савол: Ассалому алайкум!
— Қўл ёки оёқдаги ортиқча ўсиб чиққан бармоқни кесиш жоизми?
Жавоб: Ва алайкум ассалом!
— «Фатвои ҳиндия» китобида ёзилишича, ортиқча бармоқни кесиш одатда яхши натижа берса, кесса бўлади. Агар кўп ҳолатда натижа ёмон бўлса, бармоқ кесилмайди.
Бошқа бир фатво китобида айтилишича, ортиқча бармоқни кесиш оёқ кафтининг кўринишини ёмон кўринишга келтирса (яъни бармоқни кесиш учун оёқ кафтини синдиришга тўғри келса), мумкин эмас. Агар бармоқни кесиш кафт кўринишини хунук қилмаса ва осилиб турган бир нарсадек бўлса ва ҳаракатланганда азият берса, уни кесиш жоиз. Валлоҳу аълам.
ЎМИ Фатво ҳайъати
